Имрӯз дар Душанбе масъалаи меъёрбандии меҳнат дар давлатҳои аъзои ИДМ баррасӣ гардид
ДУШАНБЕ, 25.11.2022 /АМИТ «Ховар»/. Имрӯз дар шаҳри Душанбе дар мавзӯи «Меъёрбандии меҳнат дар давлатҳои аъзои ИДМ: проблемаҳо ва зарурати такмил» Конфронси байналмилалии илмӣ-амалӣ баргузор гардид, ки бо ташаббуси Вазорати меҳнат, муҳоҷират ва шуғли аҳолии Ҷумҳурии Тоҷикистон, Ташкилоти Байналмилалии Меҳнат ва Кумитаи иҷроияи ИДМ доир шуд, иттилоъ доданд ба АМИТ «Ховар» дар маркази матбуоти Вазорати меҳнат, муҳоҷират ва шуғли аҳолии мамлакат.
Дар ҳамоиш олимону коршиносони дохиливу хориҷӣ доир ба ҷанбаҳои гуногуни меъёрбандии меҳнат, аз ҷумла моҳияти стандартҳои ТБМ дар соҳаи меъёрбандии меҳнат; танзим ва ҳамоҳангсозии корҳо барои бамеъёргирии меҳнат дар давлатҳои аъзои ИМД; асосҳои илмии таҳия ва ҷорӣ намудани бамеъёргирии меҳнат дар равандҳои истеҳсолии корхонаҳо; амалияи бамеъёргирии меҳнат дар корхонаҳои саноатӣ ва истеҳсолӣ, инчунин корҳои озмоишгоҳӣ дар соҳаи истеҳсоли нафт; фаъолияти ташкилоти базавии давлатҳо — аъзои ИДМ оид ба тайёр кардан, бозомӯзӣ ва такмили ихтисоси кадрҳои бамеъёргирии меҳнат; ташкили омӯзиши ғайрирасмӣ барои гурӯҳҳои синну соли гуногуни шаҳрвандон дар донишгоҳи виртуалии корпоративии SMART ва дигар масъалаҳо маърузаҳои илмӣ намуданд.
Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода, мудири шуъбаи меҳнат, муҳоҷират ва шуғли аҳолии Дастгоҳи иҷроияи Президенти Ҷумҳурии Тоҷикистон Гулрӯ Ҷабборзода, намояндагони Ташкилоти Байналмилалии Меҳнат, аъзои Шӯрои машваратӣ оид ба меҳнат, шуғл ва ҳифзи иҷтимоии аҳолии давлатҳо — аъзои ИДМ ширкат намуда, зарурати такмили низоми меъёрбандии меҳнат ва дарёфти роҳу усулҳои нави он дар марҳилаи муосирро ногузир арзёбӣ намуданд.
АКС: Вазорати меҳнат, муҳоҷират ва шуғли аҳолии ҶТ
Эмомалӣ Раҳмон: Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
Эмомалӣ Раҳмон: «Иди Фитр, ҷашни Наврӯз ва дигар ойинҳои милливу эътиқодӣ маҳз ба шарофати Истиқлоли давлатӣ эҳё гардиданд»
«ҶАМЪИЯТИ СОЛИМ». Дар Федератсияи Русия форуми соҳаи тандурустӣ доир шуд
НАВРӮЗ — ТАРОНАИ ОҒОЗИ СОЛ. Ойину суннатҳои наврӯзӣ ҳамсони ин ҷашн таърихи куҳан доранд
НАҚШИ ЗАНОН ДАР ЭҲЁИ СУННАТҲОИ НАВРӮЗӢ. Таҳти ин унвон форуми байналмилалӣ доир мешавад
