Кормандони Хадамоти давлатии оташнишонӣ дар Кӯлоб дар бозор ва манзилҳои истиқоматӣ риоя нагардидани қоидаҳои бехатариро ошкор карданд

Ноябрь 20, 2022 09:18

КӮЛОБ, 20.11.2022 /АМИТ «Ховар»/. Бо мақсади пешгирӣ аз ҳодисаҳои сӯхтор кормандони қисми ҳарбикунонидаи Хадамоти давлатии оташнишонии Вазорати корҳои дохилии Ҷумҳурии Тоҷикистон дар шаҳри Кӯлоб дар бозори «Саховат»-и шаҳр бо соҳибкорон ва роҳбарияти бозор корҳои фаҳмондадиҳӣ гузаронида, барои огаҳӣ ёфтан аз чораҳои пешгирӣ аз сӯхтор роҳҳои барои мошини оташнишонӣ муайянгардидаро санҷиданд, хабар медиҳад мухбири минтақавии АМИТ «Ховар».

Мутаассифона, аксари соҳибкорон ба қоидаҳои бехатарӣ аз сӯхтор риоя накарда, роҳи назди нуқтаҳои савдоро банд кардаанд, ки ин ба ҳаракати нақлиёт монеа эҷод мекунад. Дар вақти ҳаракат дар байни бозор монеаҳо бартараф карда шуда, ба соҳибкорон огоҳӣ дода шуд.

Сардори қисми 33-и Хадамоти давлатии оташнишонии шаҳри Кӯлоб Назаршо Қурбонов иброз дошт, ки фақат дар як самти ҳаракат мошини сӯхторнишонӣ масофаи 135 метрро дар муддати 27 дақиқа тай кард, ки дар ҳолати сар задани сӯхтор дар дохили бозор онҳо наметавонанд сари вақт ба ҷои ҳодиса расанд.

Ба гуфти кормандони Хадамоти давлатии оташнишонӣ, ин ҳолат дар бозорҳои хусусӣ бештар ба назар мерасад. Инчунин ҷойҳои махсус, ки дар онҳо ҷумакҳои об барои сӯхторнишонӣ ҷойгир шудаанд, аз ҷониби соҳибкорон ғасб карда шудаанд. Ҳамин гуна корҳои пешгирӣ аз сӯхтор дар чанд деҳа ва Ҷамоати деҳоти «Зиракӣ» гузаронида шуданд.

Дар деҳот сокинон бештар дар самти захираи хӯроки чорво ва маводи сӯхт беаҳамиятӣ зоҳир менамоянд. Кормандони хадамот дар баробари корҳои фаҳмондадиҳӣ барои бехавф гардонидани иншоот ва молу мулк ба сокинон кумак расониданд.

Мувофиқи нақша, корҳои фаҳмондадиҳӣ ва пешгирӣ аз ҳодисаҳои сӯхтор дар дигар ҷамоату деҳаҳо, корхонаю ташкилот, бозору марказҳои савдо низ гузаронида мешаванд.

АКС аз манбаъҳои боз

Ноябрь 20, 2022 09:18

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт