«СОАТИ СИЁСӢ» ВА «МАКТАБИ МАН». Ташаббусҳои КИ ҲХДТ дар Хатлон омили ташаккули афкори наврасону ҷавонон гардидаанд

Ноябрь 30, 2022 09:11

 ДУШАНБЕ, 30.11.2022 /АМИТ «Ховар»/. «Соати сиёсӣ» ташаббуси нави Кумитаи иҷроияи Ҳизби Халқии Демократии Тоҷикистон дар вилояти Хатлон мебошад, ки дар доираи амалиёти муштарак моҳе як маротиба дар муассисаҳои таълимии вилоят тариқи баргузории дарсҳои кушод ба роҳ монда мешавад. Дар доираи амалиёти мазкур сиёсатшиносону собиқадорони соҳаи хизмати давлатӣ давоми як соат бо наврасону ҷавонон оид ба мавзӯъҳои мубрами рӯз суҳбат намуданд. Дар ин бора ба АМИТ «Ховар» дар шуъбаи иттилоот ва матбуоти КИ ҲХДТ дар вилояти Хатлон хабар доданд. 

26 ноябр тибқи нақша амалиёти муштараки «Соати сиёсӣ» дар муассисаҳои таҳсилоти миёнаи умумии шаҳру ноҳияҳои вилояти Хатлон доир гардид ва дар он оид ба мавзӯъҳои «Нақши Иҷлосияи 16-уми Шӯрои Олии Ҷумҳурии Тоҷикистон дар ҳаёти сиёсии ҷомеаи тоҷик», «Иштироки ҷавонон дар ҳаёти сиёсӣ –иқтисодии кишвар» ва «Тарбияи ҳарбӣ- ватандӯстии ҷавонон ва ҷалби онҳо ба сафи Қувваҳои Мусаллаҳи Ҷумҳурии Тоҷикистон» маърӯза намуданд.

Аз мушоҳидаҳо бармеояд, ки наврасону ҷавонон ба мавзӯъҳои зикргардида таваҷҷуҳи хосса дошта, иштирок дар «Соати сиёсӣ»-ро омили ташаккули афкор ва донишҳои сиёсии худ мешуморанд.

Дар доираи ташкилу баргузории «Дарси сиёсӣ» ҳадафҳои зерин: баланд бардоштани маърифати сиёсии наврасон ва ҷавонони 12-24- сола, тарбияи онҳо дар рӯҳияи ватандӯстӣ, худшиносӣ, ҳувияти миллӣ ва эҳтиром гузоштан ба мактабу омӯзгор ва инчунин ҳавасмандгардонии шахсони дорои имконияти хуби иқтисодӣ барои татбиқи амалии барномаҳои давлатӣ дар соҳаи маориф, дастгирии техникию ташкилии мактаби (муассисаи таълимии) хатмкардаи худ ва мутобиқ гардонидани он ба талаботи стандартҳои муосири таҳсилот амалӣ гардида истодаанд.

Тибқи мушоҳидаҳо, ташаббусҳои ҳизбии «Соати сиёсӣ» ва «Мактаби ман» дар шаҳру ноҳияҳои вилояти Хатлон дар сатҳи хуб баргузор гардида, хатмкардагони муассисаҳои таълимӣ моҳияти ташаббуси ҳизбиро хуб дарк мекунанд ва дар ободу зебо гардонидани муассисаҳои таҳсилкардаи худ саҳми муассир гузошта истодаанд. «Соати сиёсӣ» ҷиҳати баланд бардоштани савияи донишҳои сиёсӣ ва сатҳи ҷаҳонбинии наврасону ҷавонон нақши муасир гузошта, ҷавонон ба василаи муколама бо шахсиятҳои маъруф роҳи худро дар зиндагӣ интихоб менамоянд.

Ҳамчунин фаъолони ҳизб дар доираи дарсҳои кушоди «Соати сиёсӣ» аз миёни ҷавонон намояндагони ояндаи ҳизбро интихоб менамоянд, ки ин ҳам яке аз ҳадафҳои роҳандозӣ гардидани «Соати сиёсӣ» дар муассисаҳои таълимӣ арзёбӣ мегардад.

«Соати сиёсӣ» дар тамоми муассисаҳои таълимии ҳудуди вилояти Хатлон доир гардида, дар он сиёсатшиносон, олимону коршиносони масоили сиёсӣ, собиқадорон ва омӯзгорони соҳибтаҷриба оид ба мавзӯъҳои мубрами ҷомеа ва вазъи сиёсӣ дар ҷаҳон ва минтақа ибрози андеша менамоянд.

Амалиёти «Соати сиёсӣ» ва «Мактаби ман» ҳафтаи охири ҳар моҳ дар тамоми муассисаҳои ҳудуди вилояти Хатлон доир гардида, ин ташаббусҳои ҳизбӣ миёни сокинон ҳамовозии зиёд пайдо кардаанд.

АКС: КИ ҲХДТ дар вилояти Хатлон

Ноябрь 30, 2022 09:11

Хабарҳои дигари ин бахш

Кумитаи меъморӣ ва сохтмон: ба масоҳати умумии беш аз 1,7 миллион метри мураббаъ хонаҳои истиқоматӣ ба истифода дода шуданд
ПАЁМ-АСОСИ РУШДИ ҶОМЕА. Андешаҳои Сардори Хадамоти иҷрои назди Ҳукумати Ҷумҳурии Тоҷикистон дар ин хусус
НИШАСТИ МАТБУОТӢ. Маркази тадқиқоти стратегии Тоҷикистон бо 50 маркази тадқиқотии давлатҳои хориҷӣ ҳамкорӣ мекунад
Кумитаи телевизион ва радио барои кормандон бинои истиқоматии дорои 144 ҳуҷра бунёд мекунад
Дар Шаҳринав марҳилаи дуюми сохтмони бинои Маркази омода намудани наҷотдиҳандагон оғоз меёбад
Сокинони шаҳри Кӯлоб бо барқ ва оби ошомиданӣ таъминанд
Дар километри 62-юми роҳи Душанбе-Чаноқ тарма фаромада, ҳаракати нақлиёт маҳдуд карда шуд
ДАСТГИРИИ НИЁЗМАНДОН. Ба беш аз 200 ҳазор нафар нафақагирон кумакҳои яквақта пардохт карда шуданд
Агентии миллии иттилоотии Тоҷикистон «Ховар» бо ҷоизаи «Беҳтарин муассисаи тарғиботӣ дар соли 2022» сарфароз гардонида шуд
ТАВАҶҶУҲ! Шаҳрвандони Тоҷикистон бояд то 15 феврал симкортҳои худро тибқи шиносномаи намунаи соли 2014 дубора ба қайд гиранд
Байни Тоҷикистон ва Малайзия ҳамкории илмию таҳқиқотӣ густариш меёбад
БАДАХШОН-ДАРВОЗАИ ТИЛЛОИИ ТОҶИКИСТОН. Ба истиқболи 35-солагии Истиқлоли давлатӣ бунёди беш аз 1000 иншоот дар назар аст