Тоҷикистон, Узбекистон ва Қазоқистон барои гузаронидани об тавассути обанбори Қайроққум ба тавофуқ расиданд

Ноябрь 23, 2022 10:25

ДУШАНБЕ, 23.11.2022 /АМИТ «Ховар»/. Тоҷикистон, Узбекистон ва Қазоқистон дар мавриди гузаронидани ҳаҷми об аз обанбори «Баҳри тоҷик» якдилона ба мувофиқа расиданд. Дар ин бора вазири экология, геология ва захираҳои табиии Қазоқистон Сериккали Брекешев дар ҷаласаи ҳукумати Ҷумҳурии Қазоқистон хабар дод. Тавре АМИТ «Ховар» иттилоъ медиҳад, дар ин бора АБИ «Казинформ» хабар додааст.

Вай дар бораи бурдани корҳо бо кишварҳои ҳамсоя ҷиҳати таъмини партоби иловагии об аз обанборҳои болооб гузориш дод.

«Шартҳои коркарди  обанбори «Баҳри тоҷик» мувофиқа карда шуданд. Ин шартҳо дар Душанбе бо бастани санади сеҷониба (Тоҷикистон, Узбекистон ва Қазоқистон) мустаҳкам карда шудаанд”, — таъкид намуд вазир.

Қобили зикр аст, ки тавофуқ дар бораи гузаронидани об тавассути обанбори «Баҳри тоҷик», ки аз Токтогули Қирғизистон партоб шудааст, моҳи июни соли равон дар шаҳри Душанбе бо бастани санади сеҷониба (Тоҷикистон, Узбекистон ва Қазоқистон) ҳосил шуда буд.


Тавре АМИТ «Ховар» қаблан хабар дода буд, соли 2021 дар ҳавзаи дарёи Сир вазъи мушкили хоҷагии об ба вуҷуд омад, ки ба камобӣ алоқаманд аст. Баъзе вилоятҳои Қазоқистон бинобар хушксолӣ ба вазъияти душвор дучор гардиданд. Ба деҳқонони маҳаллӣ зарур омад, ки майдони киштро кам кунанд, ҳукуматдорони ҷумҳурӣ маҷбур шуданд барои бо об таъмин намудани минтақаҳо чораҳои таъҷилӣ бинанд. Норасоии захираҳо дар Сирдарё ва обанбори Шардарин сабаби хушксолии вилоятҳои Туркистон ва Қизилӯрдаи кишвар гардид.

Он замон Вазири энергетика ва захираҳои оби Тоҷикистон Далер Ҷумъа ва Вазири вақти экология, геология ва захираҳои табиии Қазоқистон Мағзум Мирзагалиев (аз 14 апрели соли 2022 — Раиси раёсати ширкати миллии “КазМунайГаз”) зимни ҷаласаи муштарак дар Душанбе ба созиш расиданд, ки бар ивази таҷҳизот ва сӯзишворию равғанҳои молиданӣ аз обанбори «Баҳри тоҷик» 315 миллион метри мукааб об дода шавад. Маълум аст, ки партофти об дар давраи аз моҳи июн то август гузаронда мешавад.

Тавре хадамоти матбуоти Вазорати экологияи Қазоқистон дар Telegram хабар додааст, ҳаҷми оби мазкур норасоии оби ирригатсионӣ дар мавсими кишт дар вилоятҳои Туркистон ва Қизилӯрдаро коҳиш медиҳад.

Ёдовар мешавем, ки аввалҳои моҳи май давлатҳои Осиёи Марказӣ лимити обгирҳо (иншооти гидротехникӣ барои гирифтани об аз дарёю ҳавз) ва низоми кори силсилаобанборҳои Норин-Сирдарёро барои мавсими кишту кори соли 2021 тасдиқ карданд. Аз соли 1992 миёни Тоҷикистон, Қирғизистон, Узбекистон, Қазоқистон ва Туркманистон Созишнома «Дар бораи ҳамкорӣ дар бахши идораи муштараки истифода ва ҳифзи манбаъҳои обии сарчашмаҳои байнидавлатӣ» амал мекунад.

АКС: Хадамоти матбуоти Президенти ҶТ/АМИТ «Ховар»

Ноябрь 23, 2022 10:25

Хабарҳои дигари ин бахш

Соли 2022 Агентии «Тоҷикстандарт» наздик ба 888 ҳазор кг маҳсулоти гуногуни ба талабот ҷавобгӯ набударо ба қайд гирифт
ИСТИФОДАИ САМАРАНОКИ ЗАМИН. Деҳқони соҳибтаҷрибаи ноҳияи Қубодиён Азамат Абдураҳмонов ба ҳамдеҳагонаш ташкили дурусти гармхонаҳоро меомӯзонад
Соли 2022 яке аз солҳои рекордии болоравии нархҳои озуқа дар ҷаҳон гардид
Робитаҳои байналмилалии Хадамоти назорати давлатии бехатарии корҳо дар саноат ва соҳаи кӯҳкорӣ тақвият меёбанд
Бонки ҷаҳонӣ омода аст, ки ҳамкориро бо «Амонатбонк» густариш диҳад
«ТОҶИКИСТОН-ГАВҲАРИ КАШФНОШУДА ДАР САМОИ САЙЁҲӢ». Дар Душанбе Форум ва Намоишгоҳи байналмилалиии сайёҳӣ доир карда мешаванд
Дар Тоҷикистон дар доираи «Барномаи ҳамкорӣ дар соҳаи омӯзиши геологии қаъри замин барои солҳои 2023-2025» корҳо оғоз ёфтаанд
РУШДИ БОСУБОТИ ИҚТИСОДИ МИЛЛӢ ДАР ДОИРАИ ТАТБИҚИ БОСАМАРИ ҲАДАФҲОИ СТРАТЕГӢ. Мулоҳизаҳои муовини якуми Ректори Донишгоҳи давлатии Хоруғ дар партави Паёми Президенти Ҷумҳурии Тоҷикистон
Дар хоҷагии ҷангали «Қаратоғ»-и шаҳри Турсунзода 280 сар оҳуи холдор парвариш меёбад
Дар даврони соҳибистиқлолии Тоҷикистон дар соҳаи роҳу нақлиёт 54 лоиҳаи давлатии сармоягузорӣ татбиқ гардид
Агентии хоҷагии ҷангал: «Дар сардиҳои охир талафёбии аз меъёр зиёди ҳайвоноти ваҳшӣ ва парандагони нодир ба қайд гирифта нашудааст»
НИШАСТИ МАТБУОТӢ. Дар конҳои сангҳои ороишии Тоҷикистон 14 корхона тибқи иҷозатномаи ҳуқуқи истифодаи қаъри замин фаъолият доранд