ЗАБОНИ МОДАРИРО ПОС ДОРЕМ! Дар шаҳри Қазони Россия хурдсолони тоҷик забони модарӣ меомўзанд
ДУШАНБЕ, 16.11.2022 /АМИТ «Ховар»/. 14 ноябри соли равон дар «Хонаи дӯстии халқҳо» -и шаҳри Қазони Тотористон барои кўдакони тоҷик дар мактаби якшанбегии омӯзиши забони модарӣ аввалин дарс доир шуд, ки он бо ибтикори Ташкилоти ҷамъиятии тоҷикони муқими ин шаҳр роҳандозӣ гардид, хабар доданд ба АМИТ «Ховар» дар Шўрои ҷамъиятии назди Сафорати Ҷумҳурии Тоҷикистон дар Федератсияи Россия.
Ба мактаби якшанбегии омӯзиши забони модарӣ фарзандони тоҷикони муқими шаҳри Қазон фаро гирифта мешаванд, ки аксари онҳо дар мактабҳои миёнаи русӣ дар синфҳои ибтидоӣ таҳсил карда, забони тоҷикиро дар сатҳи гуфтугў дар доираи суҳбат бо хонавода медонанд.
Дар ин мактаб онҳо доир ба таъриху фарҳанги қадимаи миллати тоҷик, рамзҳои давлатии Ҷумҳурии Тоҷикистон ва дигар муқаддасоти миллӣ маълумоти мухтасар гирифта, инчунин хурдсолон ба омўзиши алифбои тоҷикӣ машғул мешаванд.
Ҳадафи аслии таъсиси ин мактаб, пеш аз ҳама, тарғибу ташвиқи омӯзиши забони тоҷикӣ барои фарзандони тоҷикони бурунмарзӣ аст, ки онҳо забони модари худро нигоҳ доранд.
Чуноне дар ҳар дарс дар ин мактаб хонандагон ин байтро такрор ба такрор мехонанд:
Забони модариро пос дорем,
Ки аз модар варо мерос дорем!
Тоҷикони шаҳри Қазон имкон доранд, ки фарзандони худро барои омўзиши забони модарӣ ба ин мактаб ҷалб намоянд. Дарсҳои забони тоҷикӣ рӯзҳои якшанбе, соати 16:00 дар бинои Хонаи дӯстии халқҳо, кӯчаи Павлюхина, №57-и шаҳри Қазон доир мегарданд. Тел +79600516297
АКС: Шўрои ҷамъиятии назди Сафорати Ҷумҳурии Тоҷикистон дар Федератсияи Россия
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
«ҲУНАР ОМӮЗ…». Дар ин озмун беҳтарин даврии чакан ба намоиш гузошта шуд
Меҳмонон аз Ҷумҳурии Мардумии Чин Осорхонаи миллии Тоҷикистонро тамошо карданд
Дар Муассисаи давлатии «Боғи Ирам»-и шаҳри Душанбе даврии ниҳоии Озмуни ҷумҳуриявии «Ҳунар омӯз…» оғоз шуд
