100 ШАҲРИ ДОРОИ ҲАВОИ ОЛУДА ДАР ҶАҲОН МУАЙЯН ШУДАНД. Миёни онҳо шаҳрҳои Тоҷикистон нестанд
ДУШАНБЕ, 12.12.2022 /АМИТ «Ховар»/. Пекин (Чин), Бағдод (Ироқ) ва Бишкек (Қирғизистон) дар садгонаи шаҳрҳои ҷаҳон аз рӯи олудашавии ҳаво дар соли 2022 се ҷои аввал қарор гирифтанд. Тавре АМИТ «Ховар» иттилоъ медиҳад, дар ин бора дар раддабандии ҷаҳонии «World Air Quality» омадааст.
Раддабандӣ бар асоси маълумот дар бораи сатҳи PM2.5 — хурдтарин зарраҳои андозаашон аз 0,001 то 2,5 микрометр дар 100 шаҳри ҷаҳон тартиб дода шудааст. Масалан, тибқи рейтинг, консентратсияи кунунии PM2.5 дар Бишкек аз арзиши миёнаи солонаи сифати ҳаво, ки аз ҷониби Созмони ҷаҳонии тандурустӣ тавсия гардидааст, 49,1 маротиба зиёдтар мебошад.
Ба феҳристи шаҳрҳое, ки дорои ҳавои олуда мебошанд, ҳамчунин Деҳлӣ, Мумбай ва Калкутта (Ҳиндустон), Лоҳур ва Қарочӣ (Покистон), Москва ва Архангелск (Россия), Тошканд (Узбекистон), Остона (Қазоқистон), Давҳа (Қатар), Риёз (Арабистони Саудӣ), Байтулмуқаддас ва Тел-Авив (Исроил), София (Булғористон), Ню-Йорк, Портленд ва Детройт (ИМА), Краков (Лаҳистон), Брюссел (Белгия), Вена (Австрия), Торонто (Канада), Будапешт (Маҷористон), Токио (Ҷопон), Истанбул (Туркия) ва ғайра шомил гардидаанд.
Нишондиҳандаҳои PM2.5 бар тавсияҳои Созмони ҷаҳонии тандурустӣ асос ёфтаанд, ки моҳи сентябри соли гузашта бори аввал аз соли 2006 нав карда шуданд. Бо эътирофи таъсири қавии олудашавии ҳаво ба саломатии инсон Созмони ҷаҳонии тандурустӣ сатҳи дилхоҳи солонаи PM2.5-ро аз 10 то панҷ микрограмм дар як метри мукааб ду баробар коҳиш дод. Ҳадаф- пешгирии миллионҳо марг аст.
Тавре муаллифони гузориш зикр мекунанд, олудашавии ҳаво ҷиддитарин таҳдид ба муҳити зист маҳсуб мешавад, зеро ҳамасола ҳафт миллион нафар бар асари он ҷони худро аз даст медиҳанд. Он бисёр бемориҳо – аз нафастангӣ то саратон, бемориҳои шуш ва дилро ба вуҷуд оварда, шадидтар мегардонад ва хароҷоти рӯзона ба иқтисодиёт тақрибан ҳашт миллиард долларро ташкил медиҳад. Соли 2019 мавҷудияти моддаҳои зараровар дар ҳаво (дар дохил ва беруни бино) боиси тақрибан 12% марг гардида буд.
АКС аз манбаъҳои боз
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
МУҲАББАТ БА ВАТАН АЗ ИМОН АСТ. Андешаҳои раиси Шурои уламои Маркази исломии Ҷумҳурии Тоҷикистон Саидмукаррам Абдулқодирзода
