Барои бунёди бунгоҳи тиббӣ дар деҳаи Булбулчашмаи Ҷамоати деҳоти Ҳисор созишномаи грантӣ имзо шуд
ДУШАНБЕ, 03.12.2022 /АМИТ «Ховар»/. 30 ноябр дар Сафорати Ҷопон дар шаҳри Душанбе дар доираи Барномаи кумакҳои бебозгашт барои бахши аъзами аҳолии давлатҳои рӯ ба рушд, ки Ҳукумати Ҷопон роҳандозӣ кардааст, бо иштироки Сафири Ҷопон дар Ҷумҳурии Тоҷикистон Тошиҳиро Аики ва Раиси шаҳри Ҳисор Қосим Роҳбар маросими имзои созишномаи грантӣ оид ба «Лоиҳаи бунёди бунгоҳи тиббӣ ва беҳтарсозии таҷҳизоти тиббӣ дар деҳаи Булбулчашмаи Ҷамоати деҳоти Ҳисор» баргузор гардид. Дар ин бора ба хабарнигори минтақавии АМИТ «Ховар» Субҳониддини МАҲМУД дар Мақомоти иҷроияи ҳокимияти давлатии шаҳри Ҳисор иттилоъ доданд.
Раиси шаҳри Ҳисор Қосим Роҳбар барои дастгирии соҳаи тандурустии шаҳри Ҳисор ба Сафири Ҷопон Тошиҳиро Аики изҳори миннатдорӣ намуда, зикр кард, ки иқдоми мазкур дар доираи ҳамкории мутақобилан судманди ду кишвари ба ҳам дӯст – Тоҷикистон ва Ҷопон роҳандозӣ шуда, саҳми Президенти Ҷумҳурии Тоҷикистон –Пешвои миллат муҳтарам Эмомалӣ Раҳмон ва Императори Япония муҳтарам Нарухито дар таҳкими равобити дӯстонаи ду давлат арзишманд арзёбӣ мегардад.
Бунёди бунгоҳи тиббии деҳаи Булбулчашма ва муҷаҳҳазгардонии он 124 ҳазор доллари амрикоӣ арзиш дошта, ба ҳалли мушкилоти аҳолии беш аз сеҳазорнафараи деҳаи мазкур ва атрофи он, инчунин хизматрасонии босифати табибон мусоидат менамояд.
Дар вохӯрӣ гуфта шуд, ки минбаъд низ ҳамкории дӯстона таҳким ёфта, дар дигар бахшҳои иҷтимоию иқтисодии кишвар, аз ҷумла шаҳри Ҳисор тибқи барнома лоиҳаҳои зарурӣ таҳия ва амалӣ хоҳанд гардид.
АКС: Мақомоти иҷроияи ҳокимияти давлатии шаҳри Ҳисор
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
Сокинони вилояти Суғд ба мардуми аз офати табиӣ зарардидаи Рашт ва Тоҷикобод кумак расониданд
Мардуми саховатпешаю савобҷӯ даъват шуданд, ки маблағҳои сафари ҳаҷро ба зарардидагони заминларзаи Рашту Тоҷикобод низ равона созанд
«ОИЛАИ БЕҲТАРИН». Бо мақсади гиромидошти арзишҳои оиладорӣ озмуни ҷумҳуриявӣ доир мегардад
Дар ноҳияи Ҷалолиддини Балхӣ шумораи ақди никоҳ зиёд ва бекоршавии он коҳиш ёфтааст
ИМРӮЗ-РӮЗИ КОРМАНДОНИ МАҚОМОТИ АДЛИЯ. Дар замони соҳибистиқлолии Тоҷикистон адлия ба мақомоти давлатии калидӣ дар таҳкими ислоҳоти ҳуқуқӣ табдил ёфт
Академик Баҳром Сироҷев бо медали соҳавии «Аълочии соҳаи энергетика» сарфароз гардид
Бахшида ба Рӯзи кормандони мақомоти адлия ҳамоиши идона баргузор гардид
Дар ноҳияи Данғара ҷарроҳии пайвандсозии ҷигар гузаронида шуд
Дар Русия Форуми 3-юми рақамӣ оид ба соҳаи тандурустӣ доир шуд
