БОРИ АВВАЛ ДАР ТАЪРИХ. Дар арафаи Соли нав ба ҳамаи сокинони эҳтиёҷманди Тоҷикистон кумакпулии яквақта дода мешавад

Декабрь 26, 2022 13:26

ДУШАНБЕ, 26.12.2022 /АМИТ «Ховар»/. Ҳукумати Тоҷикистон рӯйхати шаҳрвандони эҳтиёҷманди кишварро тасдиқ кард ва тасмим гирифт, ки ба онҳо кумакпулии яквақтаи ҳадди ақалли музди меҳнат супорид. Президенти кишвар Эмомалӣ Раҳмон қарори дахлдорро ба имзо расониданд ва ба «Амонатбонк» дастур доданд, ки ин маблағҳоро ба аҳолӣ пардохт намоянд. Маблағҳо ба кортҳои бонкӣ гузаронида шуда, ё дар шакли пули нақд дода мешаванд.

Интизор меравад, ки маблағҳо то охири соли равон ба эҳтиёҷмандон дастрас шаванд.

Пешвои миллат Эмомалӣ Раҳмон дар Паёми худ ба Парлумони Тоҷикистон изҳор доштанд, ки бори аввал дар таърихи кишвар 475 ҳазор шаҳрвандони эҳтиёҷманд кумаки молиявӣ дар шакли кумакпулии яквақта мегиранд. Барои ин ҳадафҳо 285 миллион сомонӣ ҷудо карда шудааст.

Маблағҳо ба кӯдакони ятим ва бесаробон, маъюбон, оилаҳои камбизоат ва гирандагони нафақаи иҷтимоӣ дода мешаванд.

Ёдовар мешавем, ки ба хотири дастгирии табақаҳои осебпазири аҳолӣ Президенти Ҷумҳурии Тоҷикистон ба Ҳукумати кишвар дастур доданд, ки аз 1 июли соли 2023 ҳаҷми кумакҳои моддиро ба эҳтиёҷманд афзоиш диҳад. Ҳамин тариқ, маблағи кумакпулӣ барои оилаҳои эҳтиёҷманд аз 512 сомонӣ ба 836 сомонӣ мерасад.

Азиза ДАДАБОЕВА,
АМИТ «Ховар»

АКС аз манбаъҳои боз

Декабрь 26, 2022 13:26

Хабарҳои дигари ин бахш

ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
МУҲАББАТ БА ВАТАН АЗ ИМОН АСТ. Андешаҳои раиси Шурои уламои Маркази исломии Ҷумҳурии Тоҷикистон Саидмукаррам Абдулқодирзода
МАЪРИФАТИ ҲУҚУҚӢ-МАСЪАЛАИ МУҲИМИ ЗАМОНИ МУОСИР. Андешаҳои профессор Махфират Хидирзода дар ин мавзуъ
Профессор Мурод Муродӣ: «Барои ислом худнамоӣ ва шуҳратпарастӣ бегона аст, мусулмони ҳақиқӣ амали хайрашро пинҳонӣ ба анҷом мерасонад»
Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин