Чин 8 январ карантини COVID-19-ро барои ба кишвар воридшавандагон барҳам медиҳад
ДУШАНБЕ, 27.12.2022 /АМИТ «Ховар»/. Чин маҳдудияти карантиниро барои онҳое, ки ба кишвар ворид мешаванд, сабук хоҳад кард. Тавре АМИТ «Ховар» иттилоъ медиҳад, дар ин бора рӯзи душанбе, 26 декабр Телевизиони марказии Чин бо истинод ба мақомоти маҳаллӣ хабар додааст.
«Шахсоне, ки ба Чин меоянд, бояд 48 соат пеш аз сафар аз ташхиси дастгоҳи муайянкунандаи таҷзияи занҷираи полимеразӣ (ПЦР) гузаранд. Дар сурате, ки натиҷа манфӣ барояд, онҳо метавонанд бидуни дархости рамзи саломатӣ дар сафорат ё консулгарӣ ҳангоми пур кардани маълумотномаи гумрукӣ оид ба саломатӣ вориди Чин шаванд», — омадааст дар изҳорот.
Мақомоти Чин соли 2020 барои нафарони аз хориҷа ба кишвар воридшаванда маҳдудият ҷорӣ карданд. Долонҳои мусофирбар дар гузаргоҳҳои сарҳадӣ баста шуданд ва мусофирони аз хориҷа воридшаванда маҷбур шуданд аз карантини ҳатмӣ гузаранд. Дар аввал давраи карантинӣ се ҳафта буд, баъдан тадриҷан камтар шуд ва ҳоло панҷ рӯз аст.
Қаблан рӯзи душанбе, 26 декабри соли равон Кумитаи давлатӣ оид ба масъалаҳои тозагӣ ва тандурустӣ эълон кард, ки бо қарори Шӯрои давлатии Ҷумҳурии Мардумии Чин COVID-19 аз феҳристи бемориҳои ба истилоҳ гурӯҳи «А», ки нисбат ба онҳо маҳдудияти махсуси назорати сарҳадӣ амал мекунад, хориҷ карда мешавад.
София ШОИК,
АМИТ «Ховар»
АКС: Reuters
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
