Дар Ашқобод ташаббусҳои ҷаҳонии Президенти Тоҷикистон оид ба об ва тағйирёбии иқлим муассир арзёбӣ гардиданд
ДУШАНБЕ, 15.12.2022 /АМИТ «Ховар»/. Дар Ашқобод иштирокчиёни конфронси байналмилалӣ таҳти унвони «Муколама–гарави сулҳ» ташаббусҳои ҷаҳонии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро оид ба об ва тағйирёбии иқлим муассир арзёбӣ карданд, хабар медиҳад АМИТ «Ховар» бо истинод ба хадамоти матбуоти Маркази тадқиқоти стратегии назди Президенти Ҷумҳурии Тоҷикистон.
Тоҷикистонро дар ин конфронс, ки аз 9 то 12 декабр баргузор гардид, Директори Маркази тадқиқоти стратегӣ Хайриддин Усмонзода намояндагӣ кард.
Хайриддин Усмонзода дар бахши «Мушкилоти таъмини бехатарӣ дар соҳаи технологияҳои иттилоотӣ–коммуникатсионӣ» сухан гуфта, таъсири гуногунҷанбаи онро ба ҳаёти ҷамъиятии кишварҳои минтақа тавзеҳ дод.
«Мисолҳои марбут ба кӯшишҳои рахнасозии фазои иттилоотии кишварҳои ҳамсарҳади Афғонистон аз ҷониби гурӯҳҳои тахрибкор бо истифода аз пойгоҳҳои иттилоотӣ мавриди таваҷҷуҳи коршиносон қарор гирифтаанд», — иброз дошт Директори Маркази тадқиқоти стратегӣ.
Номбурда инчунин зикр кард, ки чунин амалҳо имрӯз боиси мағзшӯйии ҷавонон аз ҷониби гурӯҳҳои ифротӣ мегарданд ва дар ин росто ҳамкории ҷонибҳои дахлдори минтақа, аз ҷумла коршиносон муҳим дониста мешавад.
Ҳамчунин Хайриддин Усмонзода роҷеъ ба масъалаҳои глобалии ҷаҳони муосир оид ба тағйирёбии иқлим, истифодаи захираҳои обӣ, масъалаи таъмини амнияти озуқаворӣ ва минтақавӣ ибрози андеша намуда, аз ҳамкории зичи ҷомеаи байналмилалӣ ҷиҳати ҳалли ин мушкилот ёдовар шуд.
Зимнан нақши ташаббусҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳалли мушкилоти ҷойдошта таъкид гардид.
Дар зимн намояндаи СММ Наталя Герман ва муовини роҳбари Маркази дипломатияи боздорандаи СММ дар шаҳри Ашқобод Филипп Саприкин нақши Тоҷикистонро барои муассирсозии ин масъалаҳо дар сатҳи минтақавию глобалӣ муҳим арзёбӣ карданд.
Ёдовар мешавем, ки конфронс дар доираи Форуми V коршиносони Осиёи Марказӣ бахшида ба Рӯзи бетарафӣ ва 15 солагии ифтитоҳи Маркази дипломатияи боздорандаи СММ дар мавзӯи «Ҷанбаҳои мубрами ҳамкории минтақавӣ доир ба мушкилоти тағйирёбии иқлим, истифодаи об, таъмини амнияти озуқаворӣ дар самти технологияҳои иттилоотиву коммуникатсионӣ дар минтақаи Осиёи Марказӣ» баргузор гардид.
АКС: Хадамоти матбуоти Маркази тадқиқоти стратегӣ
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
