Дар Тошканд Форуми XV зиёиёни эҷодкор ва илмии кишварҳои узви ИДМ баргузор мегардад
ДУШАНБЕ, 07.12.2022 /АМИТ «Ховар»/. 12-14 декабр дар Тошканд Форуми XV зиёиёни эҷодкор ва илмии кишварҳои узви ИДМ баргузор мегардад. Мавзӯи нишаст «Ҳамкории башардӯстона — таҷрибаи сисола ва дурнамои рушд» хоҳад буд, хабар медиҳад АМИТ «Ховар» бо истинод ба хадамоти матбуоти Кумитаи иҷроияи ИДМ.
Дар доираи чорабинӣ намоиши ФБҲГ (Фонди байнидавлатии ҳамкории башардӯстона) «Чеҳраи Иттиҳод», маросими супоридани Ҷоизаи байнидавлатии «Ситораҳои Иттиҳод» ва Ҷоизаи байналмилалии «Иттиҳоди дебютҳо» баргузор мешавад. Доир ба мавзӯъҳои «Мероси фарҳангии кишварҳои иттиҳод», «Ҷомеаи илмӣ ва таълимии кишварҳои ИДМ», «Рамзи навтарини фарҳангии ИДМ: самтҳои рушди ҳамкорӣ», «Адабиёти кишварҳои Иттиҳод — равандҳои нави ҳамгироӣ», «Ҳамкории ҷавонони мамлакатҳои Иттиҳод» табодули назар карда мешавад.
Ҳамчунин ҷаласаи муштараки Шӯрои ҳамкории башардӯстона ва Раёсати Хазинаи байнидавлатии ҳамкории башардӯстонаи кишварҳои узви ИДМ баргузор гардида, дар анҷоми форум қарорҳои ниҳоӣ қабул карда мешаванд.
Ёдовар мешавем, ки Форуми III зиёиёни эҷодкор ва илмии кишварҳои узви ИДМ 18-19 сентябри соли 2008 дар шаҳри Душанбе доир шуда буд. Дар чорабинии дурӯза, ки таҳти шиори «Тавассути муколамаи фарҳангӣ ва таҳаммулпазирӣ — ба ғанисозии маънавии мутақобила ва пешрафти мардуми Иттиҳод» баргузор гардида буд, намояндагони соҳаи фарҳанг, илм ва маорифи кишварҳои аъзои ИДМ, ҳамчунин сохторҳо, идораҳо ва ташкилоти дахлдор ширкат доштанд.
Шаҳлои САДРИДДИН,
АМИТ «Ховар»
ДАР АКС: Иштирокчиёни Форуми XIV зиёиёни эҷодӣ ва илмии ИДМ, ки 15-16 майи соли 2019 дар Ашқобод баргузор гардид. Акс аз бойгонии АМИТ «Ховар»
НАВРӮЗ — ЭҲЁГАРИ АНЪАНАҲОИ МИЛЛӢ. Дар Донишгоҳи давлатии Бохтар ҳамоиши тантанавӣ баргузор гардид
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
