Президенти Тоҷикистон ба Хадамоти алоқа дастур доданд, ки сифати алоқаи мобиливу интернетро беҳтар намояд ва арзиши онҳоро коҳиш диҳад
ДУШАНБЕ, 23.12.2022 /АМИТ «Ховар»/. Имрӯз Президенти Тоҷикистон Эмомалӣ Раҳмон зимни ироаи Паёми худ ба Маҷлиси Олӣ ба Хадамоти алоқа дастур доданд, ки сифати алоқаи мобиливу интернетро беҳтар намояд ва арзиши онҳоро коҳиш диҳад, хабар медиҳад АМИТ «Ховар».
«Сайёҳон асосан ба куҷо мераванд? – суол карданд Пешвои миллат. – Ба он ҷое, ки интернети хуб дорад».
Дар робита ба ин, Сарвари давлат Эмомалӣ Раҳмон ба Хадамоти алоқаи назди Ҳукумати Ҷумҳурии Тоҷикистон супориш доданд, ки дар якҷоягӣ бо ширкатҳои дар соҳа фаъолияткунанда барои беҳтар намудани сифати хизматрасониҳо, паст кардани арзиши хизматрасониҳои алоқаи мобилӣ ва интернет ва дастрас гардонидани интернети баландсуръат дар тамоми минтақаҳои кишвар, аз ҷумла шаҳру ноҳияҳои дурдаст тадбирҳои заруриро роҳандозӣ намояд.
Ёдовар мешавем, ки мувофиқи маълумоти пешниҳоднамудаи ширкатҳои алоқаи мобилӣ, то ба имрӯз дар кишвар бо шиносномаи шаҳрванди Ҷумҳурии Тоҷикистон, намунаи соли 2014 (ID корт) зиёда аз 6,1 миллион симкорт ба қайд гирифта шудааст, ки 4,5 миллиони онҳо интернет истифода мебаранд.
АКС аз манбаъҳои боз
Файзиддин Қаҳҳорзода дар Риёз дар ҷаласа доир ба мутобиқшавӣ ба тағйирёбии иқлимӣ ва устуворӣ иштирок намуд
Ҷаласаи навбатии Комиссияи амнияти химиявии Ҷумҳурии Тоҷикистон доир шуд
Дар ноҳияи Ёвон кишти картошка вусъат меёбад
Дар Душанбе ҷаласаи якуми Шурои миллии об баргузор гардид
Вазоратҳои молияи Тоҷикистон ва Подшоҳии Арабистони Саудӣ ҳамкориро рушд медиҳанд
Доир ба тақвияти рақамикунонии вазифаҳои давлатии Ҷумҳурии Тоҷикистон лоиҳаи грантӣ ба имзо расид
Фонди Саудии Рушд барои маблағгузории лоиҳаҳои афзалиятнок дар Тоҷикистон изҳори омодагӣ кард
Дар Риёз маблағгузории татбиқи лоиҳаҳои афзалиятноки Тоҷикистон баррасӣ гардид
Масъалаҳои татбиқи лоиҳаҳои энергетикӣ дар Тоҷикистон бо ширкати «Acwa Power» дар Арабистони Саудӣ баррасӣ гардид
Вазири молияи Тоҷикистон дар конференсияи молиявии рушд дар шаҳри Риёз иштирок намуд
Тақвияти робитаҳои тиҷоратию иқтисодии Тоҷикистон ва Эрон баррасӣ шуд
«Захираҳои табиии Тоҷикистон дар соҳаи истихроҷи маъдан барои садсолаҳо кофӣ мебошанд», — бардошт аз форуми байналмилалӣ
