СОЛҲОИ РУШДИ САНОАТ. Имсол дар ноҳияи Ховалинг 5 корхонаи саноатӣ ба истифода дода мешаванд
ДУШАНБЕ, 03.12.2022. /АМИТ «Ховар»/. Бо мақсади татбиқи ҳадафи чоруми стратегӣ – саноатикунонии босуръати кишвар ва эълон гаштани Солҳои рушди саноат (2022-2026) соли равон дар ноҳия бунёду баистифодадиҳии 5 коргоҳи саноатӣ ба нақша гирифта шуд. То имрӯз 4-тои он мавриди истифода қарор гирифта, корҳо дар ин самт идома доранд, хабар доданд ба АМИТ «Ховар» дар Мақомоти иҷроияи ҳокимияти давлатии ноҳияи Ховалинг.
Мавриди зикр аст, ки бо дастуру ҳидоятҳои Сарвари давлат давоми се соли охир соҳаи саноат дар ноҳияи Ховалинг рушд ёфта, дар ин муддат як зумра корхонаҳои истеҳсолӣ бунёд гардиданд. Аз ҷумла, бо дастгирии Ҳукумати Ҷумҳурии Тоҷикистон, соҳибкорону сармоягузорони маҳаллӣ дар доираи чорабиниҳои омодагӣ ба ҷашнҳои 30 ва 35-солагии Истиқлоли давлатии Ҷумҳурии Тоҷикистон корхонаи бандубасти асал, коргоҳҳои коркарди обҳои ташнагишикан, макаронбарорӣ, мурғи марҷон, корхонаи заргарӣ ва сехи дӯзандагӣ сохта ба истифода дода шуданд. Ҳамчунин, шумораи корхонаҳои коркарди сарватҳои зеризаминии Шугнови ноҳия аз 5 ба 9 адад расид. Аз ҳисоби корхонаҳои навтаъсис ду ҳазор шаҳрванди ноҳия ва сокинони дигар ноҳияҳо ба кори доимӣ таъмин гардиданд.
Ёдовар мешавем, ки 25 сентябри соли 2020 бо иштироки Президенти мамлакат муҳтарам Эмомалӣ Раҳмон дар ноҳияи Ховалинг коргоҳи заргарии “Одина” ба фаъолият оғоз намуд. Коргоҳи мазкур дар мавзеи Чилчанор ҷойгир буда, дар асоси дастуру супоришҳои ҳамешагии Пешвои миллат дар идомаи тадбирҳои созандагӣ ба ифтихори 30-солагии Истиқлоли давалтии Ҷумҳурии Тоҷикистон аз ҷониби соҳибкори ватанӣ Абдуқаюм Каримов бунёд карда шудааст.
Коргоҳи заргарӣ дар назди Кооперативи тиҷоратии “Артели заршӯии Одина” бунёд гардида, дар он ду утоқи коркарди зар ва ду мағозаи фурӯши ҷавоҳирот фаъолият мекунад.
Коргоҳи навтаъсис бо дастгоҳҳои махсуси коркарди маснуоти заргарии истеҳсоли кишварҳои хориҷӣ таъмин карда шуда, дар он 35 нафар сокинони маҳаллӣ, ки аксаран духтарони бешуғл ва хонашин буданд, пас аз омӯзиши нозукиҳои ин касб соҳиби ҷойи кор ва маоши хуб гардиданд.
Рухсораи НУР,
АМИТ «Ховар»
АКС: АМИТ «Ховар»
Тақвияти робитаҳои тиҷоратию иқтисодии Тоҷикистон ва Эрон баррасӣ шуд
«Захираҳои табиии Тоҷикистон дар соҳаи истихроҷи маъдан барои садсолаҳо кофӣ мебошанд», — бардошт аз форуми байналмилалӣ
РӮЗИ БАЙНАЛМИЛАЛИИ МУБОРИЗА БАР ЗИДДИ КОРРУПСИЯ. Дар Тоҷикистон беш аз 20 санади зиддикоррупсионӣ амал менамояд
Беш аз 80 фоизи Барномаи давлатии рушди соҳаи геология амалӣ гардидааст. Эҳдо ба Рӯзи геологҳои Тоҷикистон
Қоҳир Расулзода: «То соли 2030 ҳиссаи соҳаи саноат дар иқтисоди миллии Тоҷикистон то ба 30 фоиз мерасад»
Сарвари давлат Эмомалӣ Раҳмон ҶДММ «Бозори Турсунзода»-ро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода ба фаъолияти корхонаи маҳсулоти алюминии ҶДММ «Алюминийи аввалин» оғоз бахшиданд
Сарвари давлат Эмомалӣ Раҳмон дар шаҳри Турсунзода ба фаъолияти марҳилаи дуюми ҶДММ «Алюмин Проф» оғоз бахшиданд
Ҳайати Тоҷикистон дар Форуми сатҳи баланд оид ба фарогирии ҷаҳонии тандурустӣ дар Токио иштирок намуд
Дар Душанбе Форуми дуюми байналмилалии соҳаи саноати маъданҳои кӯҳӣ-металлургии Тоҷикистон доир мегардад
Ҳайати Тоҷикистон дар конгресси байналмилалӣ минералҳои фоиданоки мамлакатро муаррифӣ намуд
