ДУШАНБЕ, 15.12.2022 /АМИТ «Ховар»/. Суди рақами 2-и ноҳияи Байконири шаҳри Остона баҳри дар шабакаҳои иҷтимоӣ таблиғ намудани терроризм барои 7 сол ҳабс кардан ҳукм баровард, хабар медиҳад «Kazinform» бо истинод ба хадамоти матбуоти суд.

6 декабри соли 2022 аз ҷониби суди №2-и ноҳияи Байконири шаҳри Остона тибқи қисми дуюми моддаи 256-и Кодекси ҷиноятии Ҷумҳурии Қазоқистон «Тарғиби терроризм ё даъвати оммавӣ ба содир намудани амалҳои террористӣ» нисбат ба И. ҳукми айбдоркунанда бароварда шуд.

Ба ӯ барои нашри наворҳои дорои хусусияти мазҳабӣ дар TikTok, ки идеологияи «ҷиҳоди мусаллаҳона»-ро паҳн мекунанд, айб эълон гардид.

Суд дар таъмини И. қарор доштани кӯдаки хурдсолро ҳамчун ҳолати сабуккунандаи масъулият ва ҷазои судшаванда эътироф намуд.

Моддаи мазкур ҷазоро дар намуди маҳрум сохтан аз озодӣ ба муҳлати аз 7 то 12 сол бо мусодираи молу мулк пешбинӣ мекунад.

Суд И.-ро дар содир кардани ҷиноят гунаҳкор дониста, ба муҳлати ҳафт сол аз озодӣ маҳрум кард.

АКС: АБИ «Казинформ»