ТОҶИКИСТОН БА БОЗОРИ ҶАҲОН ЗАРДОЛУ МЕБАРОРАД! Мамлакати мо дар минтақа аз ҷиҳати масоҳати ин дарахти мева яке аз ҷойҳои пешқадамро ишғол мекунад
ДУШАНБЕ, 26.12.2022 /АМИТ «Ховар»/. Тоҷикистон ба барномаи Созмони озуқа ва кишоварзии «Як кишвар — як маҳсулоти афзалиятнок» (ФАО) шомил мешавад ва зардолуро ба бозори ҷаҳонӣ мебарорад. Дар ин бора корманди ФАО Иброҳим Аҳмадов изҳор дошт.
Ба гуфтаи ӯ, ҳоло Тоҷикистон содироти на танҳо зардолуи тару тозаро афзоиш медиҳад, балки аз истеҳсол ва фурӯши меваи хушк ба хориҷа фоидаи бештар ба даст меорад. Дар соли 2021 ҳаҷми содирот ба 20,6 ҳазор тонна расида, дар як сол тақрибан ду баробар афзоиш ёфтааст. Маҳсулоти Тоҷикистон асосан ба Россия, Чехия, Туркия ва Канада содирот шудааст.
Оид ба барномаи «Як кишвар- як маҳсулоти афзалиятнок»
Моҳи сентябри соли 2021 ФАО Амалҳои глобалии рушди сабзи маҳсулоти кишоварзии арзишманд — «Як кишвар — як маҳсулоти афзалиятнок» — ро дар асоси Барномаи қолабии стратегии ФАО барои солҳои 2022-2031 оғоз намуд.
Дар маҷмӯъ 78 кишвар аз панҷ минтақаи ФАО ҳамчун кишварҳои мавриди ҳадафи эҳтимолии лоиҳа муайян карда шуданд, ки ба нақша гирифтаанд 50 маҳсулоти махсуси кишоварзиро дар доираи барномаи соли гузашта аз ҷониби ФАО оғозшуда пешниҳод намоянд.
Маҳсулоти махсуси кишоварзӣ маҳсулоте мебошанд, ки дар сатҳи маҳаллӣ маъруфанд, ба таври васеъ дастрас ё кам истифода мешаванд ва дорои иқтидори пешбурди бозорҳои миллӣ, минтақавӣ ва байналмилалӣ мебошанд.
«Онҳо зироати саҳроӣ ва боғдорӣ, инчунин маҳсулоти ҷангалӣ ва чорводориро дар бар мегиранд. Чунин маҳсулот хоси минтақаҳои мушаххаси агроэкологӣ буда, дар таъмини амнияти озуқаворӣ ва ғизо нақши муҳим мебозанд ва дорои иқтидори дар сатҳи маҳаллӣ, минтақавӣ ва байналмиллалӣ ба пеш баровардани маҳсулот мебошанд», изҳор дошт директори генералии ФАО Тсюй Дунюй.
Давраи аввал, ки интизор меравад моҳи январи соли 2023 оғоз шавад, дархостҳои 78 кишвари ҷаҳонро дар бар мегирад. Марҳилаи дуюм аз моҳи июли соли 2023 оғоз шуда, кишварҳои боқимонда (ва эҳтимол кишварҳои нав)-ро дар бар мегирад ва ба таҷрибаи андӯхташуда дар доираи «Як кишвар — як маҳсулоти афзалиятнок» асос меёбад.
Азиза ДАДАБОЕВА
АМИТ «Ховар»
АКС аз манбаъҳои боз
Эмомалӣ Раҳмон: «Кишоварзонро зарур аст рӯзҳои мусоиди баҳориро самаранок истифода намоянд»
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
