Тоҷикистон омода аст дар муқовимат ба коррупсия бо созмонҳои байналмилалӣ ҳамкорӣ ба роҳ монад
ДУШАНБЕ, 21.12.2022 /АМИТ «Ховар»/. Тоҷикистон омода аст дар муқовимат ба коррупсия бо созмонҳои байналмилалӣ ҳамкорӣ ба роҳ монад. Ин нукта дар шаҳри Ҷидда зимни вохӯрии якуми роҳбарони ниҳодҳои марбутаи кишварҳои узви Созмони ҳамкории исломӣ оид ба мубориза бо коррупсия аз ҷониби Директори Агентии назорати давлатии молиявӣ ва мубориза бо коррупсияи кишвар Сулаймон Султонзода тазаккур дода шуд.
Вохӯрии мазкур 20-21 декабр бо мақсади қабули Конвенсияи Макка оид ба ҳамкорӣ миёни мақомоти зиддикоррупсионии кишварҳои узви Созмони ҳамкории исломӣ баргузор мегардад.
Дар он дар баробари намояндагони зиёда аз 50 кишвари узви Созмон ҳайати кормандони мақомоти назорати давлатии молиявӣ ва мубориза бо коррупсияи Тоҷикистон таҳти роҳбарии Сулаймон Султонзода иштирок дорад.
Директори Агентӣ доир ба сиёсати зиддикоррупсионии кишвар сухан гуфта, иброз дошт, ки муқовимат ба коррупсия қисми таркибии сиёсати дохилӣ ва хориҷии Тоҷикистон маҳсуб мешавад.
«Кишвари мо омода аст бо созмону ташкилоти байналмилалие, ки дар самти муқовимат ба падидаи манфур фаъолият мебаранд, ҳамкории судманд ба роҳ монад», — таъкид кард ӯ.
Дар фарҷом иштирокчиён вохӯриро имкони хуб барои ҳалли масъалаҳои мавриди таваҷҷуҳи тарафайн дар самти муқовимат ба коррупсия ва барқарор кардани робитаҳои корӣ бо мақомоти дахлдори кишварҳои узви Созмон маънидод намуданд.
АКС: Агентии назорати давлатии молиявӣ ва мубориза бо коррупсияи ҶТ
Гурӯҳи кории Вазорати корҳои дохилии Тоҷикистон бо фаъолияти Департаменти адлияи Ирландия шинос шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Дар шаҳри Кӯлоб бо иштироки гурӯҳҳои корӣ ҷаласа баргузор шуд
Прокуратураи генералӣ: «Худ ва наздиконатонро аз ҳамлаҳои хакерӣ эмин нигоҳ доред!»
Дар шаҳри Москва бо афсарону курсантони тоҷик вохӯрӣ доир шуд
Ҷаласаи кумитаи роҳбарикунандаи Барномаи Раёсати СММ оид ба маводи нашъаовар ва ҷинояткорӣ дар Осиёи Марказӣ доир шуд
Нақшаи даъвати тирамоҳии шаҳрвандон ба сафи Қувваҳои мусаллаҳи Тоҷикистон пурра иҷро гардид
Ҷаласаи мушовараи Вазорати корҳои дохилии Тоҷикистон ва Русия баргузор гардид
Дар Вазорати корҳои дохилии Тоҷикистон бахшида ба Рӯзи Президент ҳамоиши идона доир гардид
САВГАНДИ ҲАРБӢ. Дар қисмҳои ҳарбии Кумитаи ҳолатҳои фавқулода ва мудофиаи гражданӣ маросими қасамёдкунӣ доир шуд
Котиби Шурои амнияти Ҷумҳурии Тоҷикистон бо Сафири Ҳиндустон мулоқот намуд
Ҳамкории мақомоти корҳои дохилии шаҳри Душанбе бо Департаменти ҷамъиятии бехатарии шаҳри Нанкини Чин густариш меёбад
