Вакили Парлумони Тоҷикистон дар ҷаласаи комиссияҳои доимии АБ ИДМ иштирок намуд
ДУШАНБЕ, 03.12.2022. /АМИТ «Ховар»/. Вакили Маҷлиси намояндагони Маҷлиси Олии Ҷумҳурии Тоҷикистон Зоир Раҳмонзода дар кори ҷаласаи нақшавии комиссияҳои доимии Ассамблеяи Байнипарлумонии кишварҳои аъзои ИДМ оид ба фарҳанг, иттилоот, сайёҳӣ ва варзиш, ки дар шаҳри Санкт-Петербурги Федератсияи Русия дар реҷаи фосилавӣ (онлайн) баргузор гардид, ширкат варзид. Дар ин бора ба АМИТ «Ховар» котиби матбуоти Маҷлиси намояндагон Муҳаммадато Султонов хабар дод.
Дар рӯзномаи ҷаласа масъалаи «Нақши робитаҳои байнипарлумонӣ дар таҳкими фаъолияти парламенти касбӣ» мавриди баррасӣ қарор гирифт.
Зоир Раҳмонзода иброз намуд, ки муносибатҳои байнидавлатӣ дар айни замон хусусияти бисёрҷониба касб намудаанд, ки бо печида шудани равандҳои байналмилалӣ, рушди ҳамгироӣ, пайдоиши таҳдиду хатарҳои нав ва дигар омилҳои муассир алоқаманданд.
Гуфта шуд, ки тайи сӣ соли охир мақоми олии намояндагии ҳокимияти давлатии Тоҷикистон ҷиҳати ташкил ва татбиқи низоми ҳамкории байнипарлумонӣ бо кишварҳои соҳибистиқлол, созмонҳои байналмилалӣ ва минтақавӣ талошҳои зиёд ба харҷ додааст.
Ба шарофати ин талошҳо дар марҳалаҳои гуногуни таҳкими истиқлолияти давлатӣ мақоми олии намояндагӣ ва қонунгузори кишвари мо бо ҳамкории судманду муассир бо парлумонҳои давлатҳои хориҷӣ дар муаррифии Ҷумҳурии Тоҷикистон ҳамчун давлати соҳибихтиёру демократӣ нақши муҳим мебозад.
«Мехоҳам бори дигар нақш, мавқеъ ва саҳми Ассамблеяи байнипарлумонии давлатҳои аъзои ИДМ-ро ҳамчун платформае зикр намоям, ки дар он қонунҳои намунавӣ дар сатҳи баланди касбӣ таҳия гардида, барои таҳким ва такмили қонунгузории миллӣ имкон медиҳанд. Инчунин, тағйироте, ки ҳамасола дар соҳаи ҳуқуқ ва сиёсат ба вуҷуд меояд, ба баланд шудани савияи касбии вакилони парлумони мо мусоидат мекунад,-гуфт дар интиҳо Зоир Раҳмонзода.
Акс: МН МО ҶТ
Қонуни Ҷумҳурии Тоҷикистон «Дар бораи мақоми омӯзгор» қабул карда шуд
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
