ВОБАСТАГИИ ИНТЕРНЕТӢ. Тадқиқот: Эҳсоси дилтангӣ аз беҳуда сарф кардани вақт дар шабакаҳои иҷтимоӣ муфидтар аст

ДУШАНБЕ, 30.12.2022 /АМИТ «Ховар»/. Муҳаққиқони бритониёӣ ва ирландӣ ба хулосае омаданд, ки холӣ будан аз кор ба эҷодкорӣ мусоидат хоҳад кард, ин дар ҳолест, ки дидани шабакаҳои иҷтимоӣ таъсири баръакси онро хоҳад дошт. Тавре АМИТ «Ховар» хабар медиҳад, дар ин бора дар таҳқиқоти Мактаби менеҷменти Донишгоҳи Бат ва Коллеҷи Тринити Дублин гуфта шудааст.

Вобастагии интернетӣ-бемории асри XXI аст. Он шахсро ба хоҳиши пайваста дар Интернет будан ва идора карда натавонистани эҳсосоти худ оварда мерасонад.

Имрӯз барои бисёриҳо ҳаётро бидуни Instagram ва TikTok, мукотиба дар мессенҷерҳои фаврӣ ва тамошои беохири саҳифаҳо дар шабакаҳои иҷтимоӣ тасаввур кардан душвор аст. Вале чӣ тавре ки маълум гардид, ин тарзи вақтгузаронӣ эҷодиётро коста намуда, диққатро аз корҳои заруртар дур месозад.

«Мушкилотеро, ки мо мушоҳида намудем, дар он зоҳир мегарданд, ки шабакаҳои иҷтимоӣ метавонанд дилтангии рӯякиро каме ҳам бошад, бартараф намоянд, аммо ин бартарафсозӣ вақт ва неруро гирифта, метавонад одамонро аз рафтан ба ҳолати дилтангии амиқ, ки дар ин гуна ҳолат имкони кашфиёти нав мавҷуд аст, пешгирӣ намоянд»,-гуфт яке аз муаллифони таҳқиқот духтур Тимоти Хилл.

Бисёр одамони эҷодкор, аз ҷумла нависандагон Ҷон Роулинг ва Агата Кристи дилтангиро такони эҷодӣ барои офаридани асарҳои худ номидаанд.

Шаҳлои САДРИДДИН,
АМИТ «Ховар»

АКС аз манбаъҳои боз