«ВОЛОНТЁРӢ-ШАРАФ АСТ!». Дар Кумитаи кор бо ҷавонон бахшида ба Рӯзи волантёрон ҳамоиш доир гардид
ДУШАНБЕ, 05.12.2022. /АМИТ «Ховар»/. Дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи байналмилалии волонтёрон бо иштироки беш аз 250 нафар волонтёрон-аъзои Ташкилоти ҷамъиятии «Пайравони Пешвои миллат» ҳамоиши тантанавӣ баргузор гардид, иттилоъ доданд дар Кумитаи мазкур.
Зикр шуд, ки ҳадафи асосии фаъолияти волонтёрӣ иҷрои корҳои хайриявӣ, бардошти таҷрибаи иҷтимоӣ барои шаҳрвандон, тавсеаи рушди шахсият, омўхтани таҷрибаи кор аз рўи ихтисоси интихобнамуда ва имкони шинохти худ дар ҷомеа мебошад.
Дар ҳамоиш Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Раиси Ташкилоти ҷамъиятии «Пайравони Пешвои миллат» — Абдулло Раҳмонзода, Раиси Федератсияи Иттифоқи касабаи мустақили Тоҷикистон Маликшо Неъматзода ва роҳбари Дастгоҳи Кумитаи марказии Ҳизби Халқии Демократии Тоҷикистон Абдураҳмон Хонзода иштирок ва суханронӣ намуданд.
Раиси Кумита Абдулло Раҳмонзода ҳамаи иштирокчиёни ҳамоишро бо Рӯзи байналмилалии волонтёрон табрик намуда, саҳми онҳоро дар амалӣ намудани иқдомҳои созандаи давлату Ҳукумати кишвар ва корҳои созандагиву бунёдкорӣ, расонидани ёрии ҷамъиятӣ, анҷом додани корҳои хайриявию ризокорӣ ва иштироки фаъолона дар барномаҳои ҷумҳуриявию байналмилалӣ баланд арзёбӣ намуд.
«Имрӯз мафҳуми волонтёрӣ ва муҳим будани хизмати онҳо дар ҷомеа аллакай дарк гардидааст. Ҳамарӯза ҷавонони зиёд ҳам дар пойтахти мамлакат ва ҳам дар шаҳру ноҳияҳо муроҷиат мекунанд ва хоҳиш доранд, ки дар ин мактаб тарбия ёфта, ба камол расанд, вақту дониш ва имконияти худро ба фоидаи ҷомеа сарф намоянд»,-гуфт Раиси Кумита.
Ҳамзамон аз номи кулли иштирокчиёни ҳамоиш муроҷиатнома қабул гардид.
Дар охири ҳамоиш барои саҳми арзанда гузоштан дар фаъолияти ризокорӣ волонтёрон бо Сипоснома ва туҳфаҳои Кумита бахшида ба Рӯзи байналмилалии волонтёрон қадрдонӣ карда шуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
