«Амонатбонк» бо «Актифбонк» дар самтҳои мухталифи амалиёти асъорӣ ҳамкорӣ менамояд
ДУШАНБЕ, 18.01.2023 /АМИТ «Ховар»/. Масоили марбут ба тақвияти ҳамкории Бонки давлатии амонатгузории Ҷумҳурии Тоҷикистон «Амонатбонк» бо «Актифбонк»-и Ҷумҳурии Туркия дар самтҳои мухталифи амалиёти асъорӣ, интиқоли маблағ аз корт ба корт, ҳисоббаробаркуниҳои байналмилалӣ ва хизматрасонии фосилавӣ зимни мулоқоти Раиси Раёсати Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ ва роҳбари гурӯҳи кории «Актифбонк»-и Ҷумҳурии Туркия Азад Исмаил дар Душанбе баррасӣ гардид. Дар ин бора АМИТ «Ховар» бо истинод ба «Амонатбонк» иттилоъ медиҳад.
Раиси Раёсати Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ оид ба фаъолияти молиявии «Амонатбонк» дар соли 2022 иттилоъ дода, зикр намуд, ки мавқеи «Амонатбонк» дар низоми бонкии Тоҷикистон устувор буда, новобаста аз таъсири манфии омилҳои берунӣ бонк дар ҳолати хуби молиявӣ қарор дорад.
Сироҷиддин Икромӣ таъкид намуд, ки тибқи дурнамои бонк то соли 2025 дар нақша аст, ки доираи фаъолияти хориҷии «Амонатбонк» васеъ гардида, ҳамкории муштарак бо бонкҳои хориҷӣ, аз ҷумла, «Актифбонк» -и Туркия дар сатҳи зарурӣ ба роҳ монда шавад.
Роҳбари гурӯҳи кории «Актифбонк» Азад Исмаил таваҷҷуҳи хоссаи худро ҷиҳати густариши ҳамкории судманд иброз намуда, гуфт, ки ««Амонатбонк» яке аз шарикони боэътимоди «Актифбонк» буда, мо омодаем ояндаи наздик ҳамкории ҳамаҷонибаро дар сатҳи нав ба роҳ монем».
Мусоҳибон омодагии худро барои баланд бардоштани ҳамкории муштараки молиявӣ иброз намуданд.
АКС: Бонки давлатии амонатгузории Ҷумҳурии Тоҷикистон «Амонатбонк»
Нақшаи ҷамъоварии пардохтҳои гумрукӣ дар Тоҷикистон дар сатҳи 112,2 фоиз таъмин гардид
НИШАСТИ МАТБУОТӢ. Дар шашмоҳаи якуми соли 2025 зиёда аз ҳазор ҳолати ҳуқуқвайронкунии маъмурии алоқаманд ба коррупсия ошкор карда шуд
Соҳибкорони бурунмарзӣ барои иштирок дар Форуми байналмилалии сармоягузории «Dushanbe Invest–2025» даъват шуданд
Байни Палатаи савдо ва саноати Тоҷикистон ва Ассотсиатсияи саноат ва тиҷорати Синҷон‑Уйғури Чин Ёддошти тафоҳуми ҳамкорӣ ба имзо расид
ҚУРБИ АСЪОР: дар Тоҷикистон 1 доллари ИМА аз 9.3789 сомонӣ то 9.4500 сомонӣ муқаррар шудааст
Масъалаи ифтитоҳи парвозҳои нав байни шаҳрҳои Тоҷикистон ва Туркия баррасӣ шуд
Табодули молу маҳсулот байни Тоҷикистон ва Қирғизистон дар шаш моҳ 6 миллион долларро ташкил дод
ПАНҶСОЛАИ РУШДИ САНОАТ. Дар корхонаҳои нави саноатии Тоҷикистон дар ҳаҷми беш аз 95,3 миллион сомонӣ маҳсулот истеҳсол карда шудааст
Дар шаҳри Хоруғ ҷаласаи Шурои ҷамъиятӣ баргузор гардид
«Роҳи оҳани Тоҷикистон» ва «Nafith Logistics» ҳамкориро дар самти рақамикунонӣ тақвият медиҳанд
Тоҷикистон ба маблағи 28,3 миллион доллар маҳсулоти асосии саноати хӯрокворӣ содирот намудааст
Доир ба тадбирҳои иловагии вусъат додани ҳисоббаробаркунии ғайринақдӣ машварати корӣ баргузор гардид
