IRS БА РОНАНДАГОН: бориши барф бениҳоят пуршиддат буда, тармафароӣ зиёд аст!
ДУШАНБЕ, 10.01.2023 /АМИТ «Ховар»/. Дар давоми як соати охир аз километри 53 то 81-уми роҳи Душанбе-Чаноқ қариб 30 тармаи хурду калон фаромад. Дар ин бора ба АМИТ «Ховар» дар Филиали «Инновейтив Роуд Солюшнз ЛТД» дар Ҷумҳурии Тоҷикистон иттилоъ доданд.
Ба зикри манбаъ, илова бар ин, бориши барф торафт шиддат гирифта, хавфи фаромадани тармаҳои нав мавҷуд аст.
Бо назардошти ин, дар ҳамоҳангӣ бо Раёсати Бозрасии давлатии автомобилии Вазорати корҳои дохилӣ ва Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ҳаракати тамоми намуди нақлиёт муваққатан манъ карда шуд.
Ширкат аз ронандагон хоҳиш мекунад, ки то ба эътидол омадани вазъият аз сафар худдорӣ намоянд.
«Таъкид менамоем, ки бориши барф бениҳоят пуршиддат буда, тармафароӣ зиёд аст. Аз ронандагон бо арзи эҳтиром хоҳишмандем, ки ҳангоми ҳаракат бодиққат бошанд», — изҳор доштанд дар IRS.
Ёдрас мешавем, ки тибқи иттилои Агентии обуҳавошиносии Тоҷикистон, аз 10 январ то 14 январи соли равон бар асари ворид гардидани ҳавои сард аз самти аврупоии Федератсияи Россия дар қисмати бештари қаламрави ҷумҳурӣ ҳаво сард мешавад ва барфи шадид меборад.
Дар робита ба ин Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба таваҷҷуҳи сокинон ва меҳмонони кишвар мерасонад, ки дар ин рӯзҳо эҳтиёткор бошанду дар ин рӯзҳои сард бидуни зарурати таъҷилӣ аз сафар дар роҳҳои кӯҳӣ худдорӣ намоянд.
Шаҳлои САДРИДДИН,
АМИТ «Ховар»
АКС: Филиали «Инновейтив Роуд Солюшнз ЛТД» дар Ҷумҳурии Тоҷикистон
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд
Дар Ховалинг ҷаласаи Шурои директорони муассисаҳои таҳсилоти миёнаи касбӣ баргузор гардид
Дар Душанбе оид ба нақши зеҳни сунъӣ дар соҳаи тандурустӣ ҳамоиш доир гардид
