Китоби «Фарҳанги истилоҳоти ирфонӣ ва таъбироти арабии ашъори Камоли Хуҷандӣ» ба нашр расид
ДУШАНБЕ, 15.01.2023 /АМИТ «Ховар»/. Дар вилояти Суғд китоби нави «Фарҳанги истилоҳоти ирфонӣ ва таъбироти арабии ашъори Камоли Хуҷандӣ» ба табъ расид. Дар ин бора АМИТ «Ховар» бо истинод ба Мақомоти иҷроияи ҳокимияти давлатии Раиси вилояти Суғд хабар медиҳад.
Китоби мазкур бо кӯшиши гурӯҳи муаллифон – кормандони Муассисаи давлатии «Маркази илмии Камоли Хуҷандӣ» Абдулҳаким Ғафуров, Баҳром Раҳматов, Иззатбек Шехимов ва Абдураҳим Ҳоҷибоев омода ва ба нашр расидааст.
Тавре директори муассиса Баҳром Раҳматов иброз намуд, Шайх Камол аз чеҳраҳои адабӣ ва ирфонии машҳур ба шумор рафта, шеъраш дар партави ашъор ва осори рамзгароёнаи орифони пешин суруда шудааст. Ҳамзамон ӯ бисёр масоили назариву амалии ирфониро дар қолаби андешаҳои манзуми орифона такмилу тавсеа бахшидааст. Аз ин рӯ, баррасии решаҳои ирфонӣ ва андешаҳои шоиронаи ӯ аз масоили муҳими камолшиносӣ маҳсуб шуда, дар кори пажуҳиши ашъор ва орову андешаҳои шоир марҳилаи нав ба ҳисоб меравад.
Китоби «Фарҳанги истилоҳоти ирфонӣ ва таъбироти арабии ашъори Камоли Хуҷандӣ» шарҳу тавзеҳи 52 истилоҳи ирфонӣ ва таъбири арабиро фарогир буда, аз 268 саҳифа иборат мебошад.
Ин асар кори муқаддамотӣ дар роҳи фаҳмотар шудани маънии ниҳонии ашъори Камоли Хуҷандӣ мебошад.
АКС: Хадамоти матбуоти Раиси вилояти Суғд
«ШОМИ ШЕЪРИ ТОҶИКИСТОНУ ЭРОН». Таҳти ин унвон дар Китобхонаи миллӣ барномаи фарҳангӣ баргузор мешавад
Дар Душанбе Форуми олимон ва пажуҳишгарони Тоҷикистон ва Эрон баргузор мегардад
«ҶИЛОИ РАНГҲО». Таҳти ин унвон дар Тоҷикистон фестивал-намоиши либосҳои миллӣ баргузор мешавад
Омӯзиши «Шоҳнома»-и Фирдавсӣ уфуқҳои наву фарогиртареро ба рӯи хонандаи тоҷик боз мегардонад
Дар Душанбе сессияи зимистонаи Академияи хурди илмҳои Ҷумҳурии Тоҷикистон баргузор гардид
Моҳи май дар Тоҷикистон бахшида ба 115-солагии Шоири халқии Тоҷикистон Боқӣ Раҳимзода чорабиниҳои гуногун баргузор мешаванд
Дар Институти химия озмоишгоҳи маводи ба коррозия устувор бо асбобу технологияҳои муосир ифтитоҳ гардид
«ЗЕҲНИ СУНЪӢ ВА БАРНОМАСОЗӢ». Довталабони Озмуни ҷумҳуриявии «Илм – фурӯғи маърифат» аз рӯйи номинатсияи нав дониш меозмоянд
Озмуни «Илм-фурӯғи маърифат» дар рушди тафаккури техникии насли наврас мақоми хосса дорад
МАБЛАҒИ ОЗМУНҲОИ ҶУМҲУРИЯВӢ 100 ФОИЗ ЗИЁД КАРДА ШУД. Акнун соҳиби Шоҳҷоиза бо 140 ҳазор сомонӣ қадрдонӣ карда мешавад
Дар Академияи миллии илмҳои Тоҷикистон ҳамоиши илмӣ баргузор шуд
Дар Паёми Президенти Тоҷикистон ба Маҷлиси Олӣ шаклгирии фарҳанги миллӣ ва заминаҳои он баррасӣ гардид
