РОБИТАҲОИ МУСТАҲКАМ БО АЪЗОИ ОИЛА ВА ҲУКУМАТ. Олимон роҳи одии беҳтар кардани саломатӣ ва ҳолати равониро ном бурданд

ДУШАНБЕ, 18.01.2023 /АМИТ «Ховар»/. Олимони Донишгоҳи Кент (Британия) муайян карданд, ки робитаҳои мустаҳками иҷтимоӣ метавонанд саломатии ҷисмонӣ ва некӯаҳволии равониро беҳтар кунанд. Тавре АМИТ «Ховар» хабар медиҳад, натиҷаҳои пажӯҳиш дар маҷаллаи Ассотсиатсияи Амрико оид ба мусоидат ба рушди илм Science Advances нашр шудаанд.

Равоншиносон маълумоти беш аз 13 ҳазор нафарро аз 122 кишвари ҷаҳон, ки дар давраи карантин ҷамъоварӣ шудаанд, таҳлил карданд. Олимон бо ёрии пурсишҳо робитаҳои иҷтимоии одамонро бо оилаҳояшон ва дӯстонашон арзёбӣ карданд.

Олимон муайян карданд, ки одамоне, ки робитаҳои мустаҳками оилавӣ доштанд, дар вақти пандемия бештар дастони худро шуста, масофаи иҷтимоиро нигоҳ медоштанд ва ниқобҳои муҳофизатӣ мепӯшиданд.

Таҳқиқот инчунин нишон дод, ки робитаи мустаҳкам бо одамони наздик ва гурӯҳҳои васеъ (ба монанди ҳукумат) ба солимии равонӣ ва некӯаҳволии беҳтар алоқаманд аст. Аз ҳамаи пурсидашудагон танҳо 27% одамон бо оилаҳои худ робитаи мустаҳкам доштанд.

АКС аз манбаъҳои боз