САЙРИ ҶАҲОНИИ ДЗЮДО. Ҳафт варзишгари тоҷик дар «Grand Prix Portugal» ширкат мекунанд
ДУШАНБЕ, 19.01.2023 /АМИТ «Ховар»/. Сайри дзюдои ҷаҳонӣ аз мусобиқоти «Grand Prix Portugal», ки 27-29 январ дар шаҳри Алмада баргузор мегардад, оғоз мегардад, ки дар он Тоҷикистонро ҳафт варзишгар намояндагӣ хоҳанд кард. Дар ин бора ба АМИТ «Ховар» дар Федератсияи дзюдои Тоҷикистон хабар доданд.
Ба дастаи мунтахаби дзюдои Тоҷикистон Обид Ҷебов (-66 кг), Беҳрузи Хоҷазода (-73 кг), Шодмон Ризоев (-81 кг), Сомон Маҳмадбеков (-81 кг), Комроншоҳи Устопириён (-90 кг), Ҷаҳонгир Маҷидов (-90 кг) ва Мансур Раҳмон (+100 кг) шомиланд.
Дар ин мусобиқот дастаи мунтахаби Тоҷикистонро мураббии соҳибтахассуси ҷопонӣ оид ба дзюдо Тамура Тори роҳнамоӣ хоҳад кард.
Мутаассифона, ду узви дастаи мунтахаби миллии дзюдои кишвар Темур Раҳимов ва Эмомалӣ Нуралӣ бинобар сабаби мушкили раводид дар мусобиқаи мазкур иштирок карда наметавонанд.
Бояд таъкид кард, ки дастаи мунтахаби миллии дзюдои Тоҷикистон аз 9 то 16 январ дар аввалин тамрин ва ҷамъомади таълимии байналмилалӣ дар шаҳри Миттерсилли Австрия бо роҳбарии Муҳаммадмурод Абдураҳмонов омодагӣ диданд.
Ҳамзамон бо оғози сайри нави дзюдои ҷаҳонӣ ва ширкат дар мусобиқаҳои бонуфузи байналмилалӣ варзишгарон баҳри касби имтиёзҳо барои роҳхат ба Бозиҳои тобистонаи олимпии Париж- 2024 талош хоҳанд кард.
АКС: Федератсияи дзюдои Тоҷикистон
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
35 медали паралимпичиёни тоҷик бахшида ба 35-солагии Истиқлоли давлатӣ дар Фестивали байналмилалӣ дар шаҳри Сочии Русия
МУСОБИҚАИ АСПДАВОНӢ. Ин бозии миллӣ аз ҷумлаи расму ойинҳои Наврӯз аст
Дастаи мунтахаби олимпии Тоҷикистон (U-23) аввалин пирӯзиашро дар мусобиқаи байналмилалӣ дар Ҳиндустон ба даст овард
Дастаи мунтахаби наврасони Тоҷикистон (U-17) бо дастаи Чин бозиҳои дӯстона анҷом дод
Мадина Қурбонзода ва Абубакр Шеров соҳиби шоҳҷоизаҳои Мусобиқаи гӯштини миллӣ (гӯштингирӣ) дар ноҳияи Данғара шуданд
Мутахассиси беларусӣ ба ситоди мураббиёни дастаи мунтахаби Тоҷикистон оид ба футбол ҳамроҳ шуд
ФЕСТИВАЛИ БОЗИҲОИ МИЛЛИИ ВАРЗИШӢ. Дар он зиёда аз 50 намуд бозиҳои миллӣ намоиш дода мешаванд
Дастаи мунтахаби Тоҷикистон оид ба футбол машқҳои дастҷамъиро дар Душанбе оғоз кард
«DUSHANBE GRAND SLAM 2026». Аз 1 то 3 май дар Душанбе Мусобиқаи байналмилалӣ оид ба ҷудо доир мешавад
