ТО ОХИРИ ЯНВАРИ СОЛИ 2023 ТӮФОНҲОИ ШАДИДИ МАГНИТӢ ПЕШГӮӢ МЕШАВАНД. Дар ин маврид ба АМИТ «Ховар» дар Институти астрофизика чӣ гуфтанд?
ДУШАНБЕ, 18.01.2023 /НИАТ «Ховар»/. Ду даҳаи аввали моҳи январи соли 2023 дар муҳити хеле ороми геомагнитӣ ба охир мерасанд. Вале то охири моҳи аввали сол сокинони сайёраро се тӯфони шадиди магнитӣ интизоранд. Тавре АМИТ «Ховар» хабар медиҳад, ин аз пешгӯии тӯфонҳои магнитӣ дар моҳи январи соли 2023, ки дар сомонаи Gismeteo нашр шудааст, бармеояд.
Тавре аз ҷадвал дида мешавад, ба наздикӣ тӯфони магнитии дурӯза пешгӯӣ мешавад: рӯзи панҷшанбе, 19 январ ва ҷумъаи 20 январ. Он аз ҷиҳати қувват хеле ҷиддӣ хоҳад буд. Сипас дар охири моҳ, яъне 26 ва 27 январ тӯфони дигар пешгӯӣ шудааст.
«Тӯфонҳои геомагнитӣ падидаҳои табиии геофизикӣ буда, ба фаъолияти Офтоб алоқаманданд, ки давра ба давра дар сатҳи Офтоб дар шакли партоби плазма ба амал меоянд. Ҳангоми таркиши боиқтидор ин плазма метавонад то ба сайёраи Замин расад, — гуфт Директори Институти астрофизикаи Академияи илмҳои Тоҷикистон (АМИТ) Гулчеҳра Қоҳирова. -Аммо бояд гуфт, ки Замин аз чунин ҳодисаҳо ҳимояи хуб дорад. Яъне Замин майдони магнитӣ дошта, метавонад дохилшавии ин плазмаро хеле кам кунад».
Гулчеҳра Қоҳирова, Директори Пажӯҳишгоҳи астрофизикаи АМИТ
Ба гуфтаи мусоҳиб, баъзан таъсири таркишҳои хеле пуриқтидор метавонад то ба Замин расад. «Аммо ягон тадқиқоти илмӣ дар ин самт алҳол вуҷуд надорад, ки тӯфонҳои геомагнитӣ метавонанд ба одамон хатар дошта бошанд», — иброз дошт Гулчеҳра Қоҳирова.
Ба андешаи олим, албатта, дар ин рӯзҳо нафароне, ки гирифтори бемориҳои дилу раг ва фишорбаландиянд, инчунин пиронсолон ва занони ҳомила бояд саломатии худро эҳтиёт кунанд. Онҳо бояд доруҳоеро, ки барои пешгирии бемориашон истеъмол мекарданд, хӯранд, бе зарурат ба берун набароянд ва бештар истироҳат кунанд, ва албатта, хавотир нашаванд.
«Аз таъсири ин гуна падидаҳо набояд зиёд хавотир шуд», — хулоса кард Директори Пажӯҳишгоҳи астрофизикаи Академияи миллии илмҳои Тоҷикистон Гулчеҳра Қоҳирова.
Лайло ТОИРӢ,
АМИТ «Ховар»
АКС аз манбаъҳои боз/АМИТ «Ховар»
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
