Агентии омор барои беҳтар намудани шакли ҳисоботи оморӣ ва гузариш ба «ҳисоботи электронӣ» тадбирҳои муҳим андешидааст
ДУШАНБЕ, 14.02.2023 /АМИТ «Ховар»/. Агентии омори назди Президенти Ҷумҳурии Тоҷикистон соли сипаригардида варақаҳои шакли ҳисобот барои регистри корхонаҳо ва 12 саволнома –модули тадқиқоти буҷети хонавода бо истифода аз планшет дар барномаи CsPro-ро ба усули электронӣ ба роҳ монд.
Имрӯз дар нишасти матбуотӣ ба хабарнигорони ватанию хориҷӣ Директори Агентии омори назди Президенти Ҷумҳурии Тоҷикистон Ҷамшед Нурмуҳаммадзода гуфт, ки ин тадбир дар доираи татбиқи Стратегияи миллии рушди омори Ҷумҳурии Тоҷикистон барои давраи то соли 2030, беҳтар намудани шаклҳои ҳисоботи оморӣ ва гузариш ба «ҳисоботи электронӣ» бо мақсади кам кардани сарбории ҳисоботсупорандагон андешида шуд.
Директори Агентии омори назди Президенти Ҷумҳурии Тоҷикистон Ҷамшед Нурмуҳаммадзода афзуд, ки «фарогирӣ бо ҳисоботи электронӣ дар маҷмӯъ ба 62 шакли ҳисоботи омори давлатӣ ва таҳқиқоти оморӣ баробар шуда, ба 44 фоиз расонида шуд. Соли гузашта иҷрои корҳои оморӣ оид ба нархи молу маҳсулот тибқи нақша амалӣ гардида, бақайдгирии нархи молу маҳсулот ва хизматрасониҳо дар доираи иҷрои корҳои Барномаи муқоисакуниҳои байналмилалӣ низ амалӣ гардид. Дар доираи он аз ҷониби мутахассисони Кумитаи байнидавлатии омори Иттиҳоди Давлатҳои Мустақил ҷадвалҳои электронӣ таҳия ва барои воридкунии маълумот пешниҳод карда шуданд».
Бо натиҷагирӣ аз фаъолияти Агентии омори назди Президенти Ҷумҳурии Тоҷикистон дар соли сипаригардида Ҷамшед Нурмуҳаммадзода иброз намуд, ки бобати татбиқи яке аз чор ҳадафи стратегии Ҳукумати Ҷумҳурии Тоҷикистон- саноатикунонии мамлакат бо мақсади такмили низоми миллии омор барои инъикоси истеҳсоли маҳсулоти саноатӣ бо Вазорати саноат ва технологияҳои нави мамлакат ба ҳамкорӣ тақвият бахшида мешавад.
Марзия САИДЗОДА,
АМИТ «Ховар»
АКС: АМИТ «Ховар»
СИЁСАТИ «ОСМОНИ КУШОД». Рушди авиатсияи гражданӣ зери таваҷҷуҳи доимии Президенти Тоҷикистон қарор дорад
Қатъномаи нави минтақавӣ оид ба муқовимат ба коррупсия бо иштироки Тоҷикистон қабул гардид
Агентии «Тоҷикстандарт : «380 тонна молу маҳсулоти муҳлати истеъмолаш гузашта ва ғайристандартӣ нобуд карда шуд»
Дар Токио Форуми тиҷоратии «Тоҷикистон – Ҷопон» баргузор шуд
Дар Вазорати рушди иқтисод ва савдои Тоҷикистон оид ба тайёр кардани кадрҳои сатҳи баланди илмӣ ҷаласа доир шуд
Дар Хатлон ҳамкорӣ бо сармоягузорони хориҷӣ ҷиҳати таъсиси нерӯгоҳҳои офтобиву бодӣ тақвият меёбад
Лоиҳаи «Кодекси экологии Ҷумҳурии Тоҷикистон» муаррифӣ гардид
Дар Душанбе Маркази рақамикунонӣ, инноватсия ва такмили кадрҳои соҳаи кишоварзӣ ифтитоҳ гардид
Дар доираи Муколамаи «Осиёи Марказӣ — Ҷопон» ҳамоиши канории «Tajik-Japan Digital Business Connect» баргузор шуд
«Стратегияи нави шарикии Бонки Осиёии рушд бо Ҷумҳурии Тоҷикистон барои солҳои 2026–2030» муаррифӣ карда шуд
СОЛҲОИ РУШДИ САНОАТ. Дар шаҳри Турсунзода зиёда аз 100 корхонаи хурду бузурги саноатӣ фаъолият менамояд
Соли 2026 дар Тоҷикистон сохтмону навсозии 300 километр роҳҳои мошингард оғоз мегардад
