Ба ҳар оилаи аз офати табиӣ зарардидаи ноҳияи Ванҷ кумаки моливу ғизоии Президенти Ҷумҳурии Тоҷикистон расонида шуд
ДУШАНБЕ, 24.02.2023 /АМИТ «Ховар»/. 23 феврал роҳбарияти Вилояти Мухтори Кӯҳистони Бадахшон якҷо бо сардорони сохторҳои қудратӣ ва мақомоти ҳифзи ҳуқуқи вилоят ба ноҳияи Ванҷ сафар намуда, барои изҳори ҳамдардӣ ба хонаи оилаҳои зарардидаи деҳаҳои Садвадгу Хаспо, ки бар асари офатҳои табиӣ фарзандони худро аз даст додаанд, рафтанд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии вилоят хабар медиҳад.
Роҳбарияти вилоят таъзияи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба аҳли хонаводаҳои фавтидагон расонида, изҳор доштанд, ки аз даст додани фарзанд дарди сангинест ва онро бо чизе ҷуброн кардан ғайриимкон аст.
Иброз гардид, ки Сарвари давлат муҳтарам Эмомалӣ Раҳмон ин оилаҳоро зери таваҷҷуҳ ва ғамхории бевосита қарор додаанд. Ҳамзамон ба онҳо кумаки молиявии Пешвои миллат муҳтарам Эмомалӣ Раҳмон- ба ҳар кадоме 40 ҳазор сомонӣ ва ҳамчунин кумаки яквақтаи ғизоӣ дастрас карда шуд.
Ёдовар мешавем, ки 20 феврал дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ба оилаҳои аз офати табиӣ зарардидаи шаҳру ноҳияҳои Вилояти Мухтори Кӯҳистони Бадахшон либоси зимистона, пойафзол, маводи ғизоӣ, печи аловӣ, кат бо ҷиҳози хоб ва дигар лавозимоти зарурӣ фиристода шуд.
Кумаки мазкур дар маҷмӯъ аз 18 тонна маҳсулоти ғизоӣ иборат мебошад.
Мардуми зарардидаи шаҳру ноҳияҳои Вилояти Мухтори Кӯҳистони Бадахшон аз таваҷҷуҳу ғамхориҳои доимии Ҳукумати Ҷумҳурии Тоҷикистон, хусусан Президенти Ҷумҳурии Тоҷикистон муҳтарам Эмомалӣ Раҳмон рӯҳбаланд гардида, изҳори сипос менамоянд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
Байни Тоҷикистон ва Узбекистон дар соҳаи таҳсилоти касбӣ Ёддошти тафоҳум ба имзо расонида шуд
Пагоҳ Форуми байналмилалии «Нақши занон дар эҳёи суннатҳои наврӯзӣ» доир мегардад
«ЗАБОНИ МО – ҶАҲОНИ МО». Дар Тоҷикистон Анҷумани сеюми забоншиносон баргузор мегардад
Қабули мавод ба Озмуни ҷумҳуриявии «Эмомалӣ Раҳмон — бунёдгузори Ваҳдати миллӣ» то охири моҳи май идома меёбад
СОЗТАРОШӢ. Созтарошон фарҳанги мусиқии миллӣ ва мероси ниёгонро зинда нигоҳ медоранд
Чаро бемории аллергия бештар дар фасли баҳор ба мушоҳида мерасад?
Бахшида ба ҷашни Наврӯз дар мақомоти Ваколатдор оид ба ҳуқуқи инсон ҳамоиши идона доир шуд
