БА МУНОСИБАТИ 30-СОЛАГИИ ТАЪСИСИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. Байни хизматчиёни ҳарбӣ ва сохторҳои қудратӣ мусобиқаи тенниси рӯйи миз ҷараён дорад
ДУШАНБЕ, 10.02.2023. /АМИТ «Ховар»/. Аз 9 то 11 феврал бахшида ба 30-юмин солгарди таъсиси Қувваҳои Мусаллаҳи Ҷумҳурии Тоҷикистон дар толори варзишии Муассисаи давлатии «Мактаби махсуси варзишии захираҳои олимпии №5 оид ба намудҳои бозиҳои варзиш»-и шаҳри Душанбе байни хизматчиёни ҳарбии мақомоти ҳифзи ҳуқуқ ва сохторҳои қудратии мамлакат мусобиқа оид ба тенниси рӯйи миз доир мегардад. Дар ин хусус ба АМИТ «Ховар» дар Вазорати мудофиаи ҷумҳурӣ хабар доданд.
Дар маросими кушодашавии мусобиқа аз ҷониби як ҷузъи Бригадаи десантӣ-зарбавии Қӯшунҳои зудамал намоиши ҳимояи хеш дар задухӯрдҳои тан ба тан нишон дода шуд.
Мусобиқаи варзишӣ ба таҷлили сазовори Рӯзи Қувваҳои Мусаллаҳи Ҷумҳурии Тоҷикистон бахшида шуда, ба рушди камолоти шахсият, тарғиби тарзи ҳаёти солим, таҳким бахшидани дӯстию рафоқат байни хизматчиёни ҳарбии сохторҳои қудратии мамлакат ва мақомоти ҳифзи ҳуқуқ равона гардидааст.
Ҳамчунин бояд ёдовар шуд, ки шурӯъ аз 1 феврал бо мақсади дарёфти истеъдодҳои намоён аз байни сарбозон дар қисми ҳарбии Вазорати мудофиа фестивал-озмуни «Суруди сарбоз» оғоз гардида, дар сатҳи баланд ҷараён дорад.
Фестивали мазкур дар дигар гарнизонҳои ҷумҳурӣ низ гузаронида шуда, то 14 феврал идома меёбад.
АКС: Вазорати мудофиаи Ҷумҳурии Тоҷикистон
Тоҷикистон ва Узбекистон ҳамкории амниятиро барои муқовимат ба таҳдидҳо тақвият мебахшанд
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
