БАХШИДА БА 30-СОЛАГИИ ҚУВВАҲОИ МУСАЛЛАҲ. Вакили Маҷлиси вакилони халқи шаҳри Душанбе Маҳмудҷон Муродов барои сарбозону афсарони Қӯшунҳои сарҳадӣ чорабинии идона баргузор намуд
ДУШАНБЕ, 20.02.2023 /АМИТ «Ховар»/. Имрӯз дар пайравӣ ба ташаббусу иқдомҳои инсондӯстона ва хайрхоҳонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ва бахшида ба 30-солагии таъсиси Қувваҳои Мусаллаҳи мамлакат соҳибкор, роҳбари Ҷамъияти дорои масъулияти маҳдуди «Сарманзил», узви Ҳизби Халкии Демократии Тоҷикистон ва вакили Маҷлиси вакилони халқи шаҳри Душанбе Маҳмудҷон Муродов дар Маркази таълимии «Пойтахт»-и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон барои 1000 нафар сарбозону афсарон чорабинии идона баргузор намуд, хабар медиҳад АМИТ «Ховар».
Дар чорабинии мазкур Фармондеҳи Қӯшунҳои сарҳадии Кумитаи давлатии амнияти миллии Ҷумҳурии Тоҷикистон Раҷабалӣ Раҳмоналӣ, муовини Котиби Шӯрои амнияти Ҷумҳурии Тоҷикистон Шараф Файзуллозода, волидони сарбозон ва дигар шахсони маъул иштирок ва суханронӣ намуда, сарбозону афсаронро ба муносибати 30-солагии таъсиси Қувваҳои Мусаллаҳ шодбош гуфтанд.
Сарбозону афсарон бахшида ба солгарди таъсиси Қувваҳои Мусаллаҳ бо медалҳои «Ҷасорат», «Марзбони шуҷои Ватан», дигар медалҳои ҷашнӣ ва ифтихорномаву сипосномаҳо қадрдонӣ карда шуданд.
Ҳамзамон соҳибкор Маҳмудҷон Муродов аз ҷониби раёсати Қӯшунҳои сарҳадӣ бо медали хотиравии «30-солагии Шӯрои фармондеҳони Қӯшунҳои сарҳадӣ» сарфароз гардид.
Дар идома аз ҷониби ансамбли «Марзбон»-и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон барномаи рангини фарҳангӣ пешкаши ҳозирин карда шуд.
Рустам ҶАМИЛЗОДА,
Тоҳир САИД (АКС),
АМИТ «Ховар»
Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон баргузор гардид
