Беморхонаи марказии ноҳияи Вахш навсозӣ мешавад

Февраль 14, 2023 11:29

ДУШАНБЕ, 14.02.2023. /АМИТ «Ховар»/. Дар доираи татбиқи «Лоиҳаи ҳифзи саломатии модару кӯдак ва беҳтар намудани хизматрасонии ёрии таъҷилии тиббӣ дар ноҳияҳои вилояти Хатлон» таъмири асосӣ, навсозии таваллудхона, сохторҳои ёрирасон, барқароркунии коммуникатсияҳои муҳандисии берунаи Беморхонаи марказии ноҳияи Вахш идома дошта, 60 фоизи корҳои сохтмонии он ба анҷом расидааст, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон.

Дар натиҷаи пурра анҷом ёфтани корҳои сохтмонӣ ва ба истифода додани беморхона, таҷҳизотҳои муоссири тиббӣ насб карда шуда, хизматрасонии тиббӣ дар сатҳи баланд ба роҳ монда мешавад.

Лоиҳаи мазкур дар асоси созишномаи грантӣ байни Ҳукумати Ҷумҳурии Тоҷикистон ва Ҳукумати Ҷумҳурии Федоролии Олмон оид ба ҳамкории молиявӣ, маблағгузории бонки олмонии рушд ва барқарорсозӣ амалӣ мегардад. Маблағи умумии амалишавии лоиҳа 3 миллиону 167 ҳазору 118 евро буда, ба ҳолати имрӯза 2 миллиону 853 ҳазору 956 евро аз худ карда шудааст.

Ёдовар мешавем, ки иҷрокунандаи вазифаи Раиси вилояти Хатлон Давлаталӣ Саид бо ҷараёни корҳои сохтмонии Беморхонаи марказии ноҳияи Вахш аз наздик шинос шуда, ба масъулин барои сари вақт ва босифат анҷом додани корҳо супориш дод.

Иттилоъ дода шуд, ки ҳудуди беморхона 3,53 гектарро ташкил намуда, биноҳои асосӣ ва ёрирасон дар 1,61 гектар ҷойгир мебошанд. Беморхонаи марказии ноҳияи Вахш дорои шуъбаҳои ҷарроҳӣ, дил, таваллуд, кӯдакона, сироятӣ, эҳёгарӣ, бемориҳои даруна, ҳуҷраҳои ёрирасони таҳлилгоҳ, қабулгоҳ, ёрии таъҷилӣ, рентген, хунгузаронӣ ва физиотерапӣ мебошад.

Инчунин беморхона дорои 173 кати хоб буда, 286 нафар кормандон, аз ҷумла 26 нафар духтурон, 165 нафар кормандони миёнаи тиббӣ, 50 нафар кормандони хурди тиббӣ ва 45 нафар коргарони хизматрасони техникӣ кору фаъолият мекунанд.

АКС: Мақомоти иҷроияи ҳокимияти давлатии вилояти Хатлон

Февраль 14, 2023 11:29

Хабарҳои дигари ин бахш

Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд