БЕНАЗОРАТИИ ВОЛИДАЙН. Соли гузашта дар Тоҷикистон 365 нафар аъзои ташкилоти террористӣ-экстремистӣ дастгир карда шуданд
ДУШАНБЕ, 16.02.2023 /АМИТ«Ховар»/. Дар Тоҷикистон соли гузашта 365 нафар аъзои ташкилоти террористӣ-экстремистӣ муайян ва дастгир карда шуданд. Дар ин хусус 15 феврал зимни нишасти матбуотӣ дар Вазорати корҳои дохилии Ҷумҳурии Тоҷикистон ба хабарнигорон иттилоъ дода шуд.
Гуфта шуд, ки сабаби асосии ба сафи ташкилоти террористию экстремистӣ пайвастани бештари ҷавонон ба беназоратии волидайн ва истифодаи шабакаҳои ифротӣ дар интернет рабт дорад.
Тазаккур дода шуд, ки солҳои пеш адабиёти дорои хусусияти таблиғу ташвиқи ташкилоти террористӣ-эктремистӣ зиёд мусодира мегардид. Ҳоло теъдоди он кам гардидааст, аммо таблиғоту ташвиқот дар айни замон тариқи шабакаи интернет ба роҳ монда шудааст.
Илова карда шуд, ки бисёре аз аъзои ташкилоти террористӣ-экстремистӣ дар хориҷи мамлакат дастгир гардида, ба Ватан баргардонда шуданд.
Дар нишаст ҳамзамон гуфта шуд, ки соли гузашта 24 ҳолати маблағгузории терроризм ба қайд гирифта шуд. Дар баробари ин 31 амали террористӣ пешгирӣ гардид.
Тибқи иттилоъ, аз соли 2015 то имрӯз 1030 нафар дар пайи корҳои фаҳмондадиҳӣ ба Ватан баргардонида шуданд, ки бо онҳо пайваста чораҳои профилактикӣ гузаронида мешаванд. Дар баробари ин дар пайи корҳои фаҳмондадиҳӣ 247 аъзои ташкилоти террористӣ ва иштирокчиёни ҷангҳои хориҷӣ ба таври ихтиёрӣ ба Ватан баргаштанд.
Роҳбарияти Вазорати корҳои дохилӣ аз намояндагони воситаҳои ахбори омма ва ходимони дин даъват намуд, ки корҳои фаҳмондадиҳиро дар ин самт таҳким бахшанд.
София ШОИК,
АМИТ «Ховар»
АКС: АМИТ «Ховар
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
