Дар гурӯҳҳои татбиқи лоиҳаҳои сармоягузории давлатӣ ба андозаи 21,3 млн сомонӣ қоидавайрокуниҳои молиявӣ муайян карда шуданд

Февраль 15, 2023 21:37

ДУШАНБЕ, 15.02.2023. /АМИТ «Ховар»/. Аз ҷониби Палатаи ҳисоб дар соли сипаригардида дар марказҳо ва гурӯҳҳои татбиқи лоиҳаҳои сармоягузории давлатӣ қоидавайрокуниҳои молиявӣ ба андозаи 21,3 млн сомонӣ муайян ва барқарор карда шуданд. Дар ин хусус Раиси Палатаи ҳисоб Қарахон Чиллазода зимни нишасти матбуотӣ ба хабарнигорон маълмуот дод.

Мавсуф изҳор дошт, ки ҷиҳати таъмини арзёбии истифодаи мақсаднок ва самараноки маблағҳои барои татбиқи лоиҳаҳои сармоягузорӣ ҷудогардида дар давраи ҳисоботӣ чорабиниҳои аудиторӣ дар 30 марказ ва гурӯҳҳои татбиқи лоиҳаҳои сармоягузории давлатӣ гузаронида шуданд.

Иттилоъ дода шуд, ки дар натиҷаи андешидани тадбирҳои зарурӣ қоидавайронкуниҳои молиявӣ ба маблағи 43,1 млн сомонӣ, аз ҷумла ба буҷет 37, 7 млн сомонӣ, ба корхона ва ташкилоту муассисаҳо 5,2 млн сомонӣ ва тавассути мақомоти ҳифзу ҳуқуқ 250 ҳазор сомонӣ барқарор карда шуд.

Қарахон Чиллазода дар мавриди ҳамкории байналмилалӣ изҳор дошт, ки Палатаи ҳисоб дар асоси созишномаҳо бо мақомоти олии аудити Федератсияи Русия, Ҷумҳурии Қазоқистон, Узбекистон, Молдова, Беларус, Латвия, Ҷумҳурии Исломии Эрону Покистон ва Ҷумҳурии Мардуми Чин ҷиҳати мукаммалгардонии идоракунии молияи давлатӣ ва тақвияти аудити берунаи давлатӣ, ҷорӣ намудани усулҳои нави аудити молиявию самаранокӣ ва мутобиқгардонии заминаҳои меъёрии ҳуқуқӣ ба стандартҳои байналмилалӣ ҳамкории судманд ба роҳ мондааст.

Шаҳлои САДРИДДИН,
АМИТ «Ховар»

АКС: АМИТ «Ховар»

Февраль 15, 2023 21:37

Хабарҳои дигари ин бахш

Байни «Саноатсодиротбонк» ва Фонди рушди соҳибкории Озарбойҷон Ёддошти тафоҳум оид ба ҳамдигарфаҳмӣ ба имзо расид
Дар доираи Форуми тиҷоратӣ имконият ва фазои сармоягузории Тоҷикистон ба доираҳои соҳибкории Ҷопон муаррифӣ шуд
Дар доираи «Kazanforum 2024» байни Вазорати нақлиёти Тоҷикистон ва Вазорати нақлиёт ва хоҷагии роҳҳои Тотористон Ёддошти тафоҳум ба имзо расид
Корхонаи шаҳри Хоруғ қуттиҳои гуногуни оҳанин барои партов ва сутунҳои барқӣ истеҳсол менамояд
Дар ноҳияи Ҳамадонӣ беш аз 1 миллион сомонӣ қарзҳои андоз кам шуданд
Дар Шаҳринав 360 гектар замини корам бо оби полезӣ таъмин гардид
ШУМОРАИ ХОҶАГИҲОИ ТУХМИПАРВАРӢ ДАР ТОҶИКИСТОН БА 128 АДАД РАСИД. Аммо норасоии тухмии зироати кишоварзӣ то ба ҳол боқӣ аст
Дар ноҳияи Шаҳристон кишти картошка идома дорад
Дар шаҳри Гулистон 6 коргоҳу корхонаи нави саноатӣ ба истифода дода мешавад
Имсол кишоварзони Тоҷикистон дар зиёда аз 440 ҳазор гектар кишти баҳории зироат мегузаронанд
Дар шоҳроҳи Обигарм-Нуробод дарозтарин пул бунёд мешавад
Директори идории Хазинаи байналмилалии асъор Кристалина Георгиева бо ҷараёни корҳо дар Неругоҳи барқи обии «Роғун» шинос шуд