«ҲИФЗИ ВАТАН ВА ИНЪИКОСИ ОН ДАР АСАРҲОИ РАССОМОН». Таҳти чунин унвон дар Осорхонаи миллӣ намоиш ифтитоҳ гардид
ДУШАНБЕ, 18.02.2023 /АМИТ «Ховар»/. 17 феврал бахшида ба 30-юмин солгарди таъсиси Қувваҳои Мусаллаҳи Ҷумҳурии Тоҷикистон дар Осорхонаи миллии Тоҷикистон намоиш таҳти унвони «Ҳифзи Ватан ва инъикоси он дар асарҳои рассомон» шурўъ гардид, ки он то 1 марти соли равон идома меёбад, иттилоъ дод ба АМИТ «Ховар» сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев.
Дар намоиш зиёда аз 27 асарҳои беҳтарини рассомони Тоҷикистон, аз қабили офаридаҳои И.Лисиков «Симои комиссари милитсия Умаров А», А.Камелин «Сарбозон ба хона мераванд», У.Буртсев «Сарҳадбонон», С. Қурбонов «Подполковник Муродов фикр мекунад», Р. Абдурашидов «Дилсӯзӣ», А. Раҳимов «Аввалинҳо», А.Оқилов «Бозгашти аскар», З.Довутов «Симои сержант Копатилов А» ва дигарон ба маърази тамошо гузошта шудаанд, ки дар онҳо эҳсоси ватандӯстӣ, ҳифзи марзу буми сарзамини аҷдодӣ ва ҷоннисориҳои родмардон нисбат ба меҳани худ таҷассум ёфтаанд.
Дар ин рўз аз ҷониби роҳбаладони Осорхонаи миллӣ дар толорҳои намоишии муассиса ба 300 нафар аскарону афсарон сайрҳои осорхонавӣ баргузор карда шуд. Ба ин восита, дар асоси осори таърихӣ муҳиммияти ҳифзи марзи Ватан, таъмини амният ва осоиштагии сокинони мамлакат ба диққати онҳо расонида шуд.
17 феврал дар ҳамкорӣ бо Кумитаи иҷроияи Ҳизби Халқи Демокртии Тоҷикистон намоиши мазкур оғоз гардида, ба ин муносибат бо масъулини Осорхонаи миллӣ, Кумитаи иҷроияи ҲХДТ дар шаҳри Душанбе, намояндагони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, Гвардияи миллии Ҷумҳурии Тоҷикистон ва Вазорати мудофиаи Ҷумҳурии Тоҷикистон ҳамоиш доир шуд.
Директори Осорхонаи миллии Тоҷикистон иброз дошт, ки таъсиси Қувваҳои Мусаллаҳи Ҷумҳурии Тоҷикистон дар солҳои аввали соҳибистиқлолӣ дастоварде буд, ки ба музаффарияти давлат дар шароити эҳёи давлатдории миллӣ дастовардҳои сифатан нав зам намуд.
Дар доираи баргузории ҳамоиш як зумра кормандони Осорхонаи миллӣ бо медали ҷашнии «30-солагии Қувваҳои Мусаллаҳи Ҷумҳурии Тоҷикистон» ва «Ифтихорнома»-и Вазорати мудофиаи Ҷумҳурии Тоҷикистон сарфароз гардиданд.
АКС: Осорхонаи миллии Тоҷикистон
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
