«ИНТЕРНЕТ БАРОИ ХОНА». МегаФон Тоҷикистон барои истифодабарандагон тахфифҳои 50-фоиза ба роҳ мемонад
ДУШАНБЕ, 15.02.2023. /АМИТ «Ховар»/. МегаФон Тоҷикистон барои истифодабарандагони хизматрасонии «Интернет барои хона» тахфифҳои панҷоҳфоиза ба роҳ мондааст. Дар ин хусус ба АМИТ «Ховар» дар ширкати мазкур хабар доданд.
Тахфифҳои панҷоҳфоизае, ки то охири сол амал мекунанд, насия барои тарофаҳои солонаи МегаФон Тоҷикистон- истифодабарандагони хизматрасонии «Интернет барои хона» буда, онҳоро якбора бо ду иқдом хушҳол намуданд.
Иқдоми аввал- ин «GPON» аст, ки то 31 март идома ёфта, дар он сокинони Душанбе, ки дар маҳаллаҳои №21, 46, 61, 63 ва 64 дар хиёбонҳои С.Шерозӣ, Н.Қарабоев ва Ҷомӣ, кӯчаҳои Деҳотӣ, 50-солагии Тоҷикистон, Фирдавсӣ ва М.Қосимов зиндагонӣ мекунанд, метавонанд иштирок намоянд. Фарогирии яклухт аз рӯи технологияи «GPON» имкон медиҳад, ки интернети ноқилӣ аз МегаФон дар ҳар хона бо шартҳои муфид пайваст карда шавад. Тахфифи панҷоҳфоиза барои иштирокчиёни иқдом то охири сол амал хоҳад кард.
Иқдоми дуюм- ин «Тарофаи солона – ба насия» буда, барои онҳоест, ки тарофаҳои солонаро бо шартҳои муфид интихоб менамоянд. Дар ин ҳолат ҳангоми сари вақт пур карда натавонистани тавозун онҳо метавонанд аз қатъшавии интернет нигарон набошанд. МегаФон Тоҷикистон ва «Алиф Бонк» пешниҳод мекунанд, ки ба шабака бе фоиз ба насия пайваст шаванд.
Масалан, маблағи тарофаи солонаи «Барои Хона 3 Мбит/с»-ро дар ҳаҷми 720 сомонӣ бо истифода аз корти «Салом» аз «Алиф Бонк» метавон давоми як сол қисм ба қисм пардохт намуд.
Истифодабарандагони нави хизматрасонӣ бояд боварӣ ҳосил кунанд, ки пайвасткунии «Интернет барои хона» дар суроғаи зарурӣ аз ҷиҳати техникӣ имконпазир аст. Ин корро метавон тариқи телефони 4747, дар сомонаи https://home.megafon.tj ё идораи марказии оператор бо суроғаи Рӯдакӣ, 89 анҷом дод.
«Мақсади ҳарду иқдом – то ҳадди имкон созгор намудани истифодаи хизматрасонӣ ба муштариён маҳсуб мешавад. Шартҳои махсус ва насияи пардохт имкон медиҳанд, ки сифати баланди интернети хонагӣ баҳогузорӣ карда шуда, ҳар аъзои оила бо он таъмин карда шавад», — иттилоъ доданд дар ширкати МегаФон Тоҷикистон.
АКС: МегаФон Тоҷикистон
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
