Коргоҳи коркарди асал дар ноҳияи Ҳамадонӣ ба фаъолият оғоз кард

Февраль 21, 2023 09:09

ДУШАНБЕ, 21.02.2023 /АМИТ «Ховар»/. Дар ноҳияи Мир Сайид Алии Ҳамадонӣ аз ҷониби Ҷамъияти дорои масъулияти маҳдуди «ТОҶ АГРО» коргоҳи коркарди асал ба фаъолият оғоз намуд, хабар медиҳад АМИТ «Ховар» бо истинод ба шуъбаи иттилоотию таҳлилии дастгоҳи Раиси вилояти Хатлон.

Иттилоъ дода шуд, ки дар коргоҳ асал бо сифати баланд коркарда гардида, дар зарфҳои махсуси ороишӣ гирифта мешаванд ва бо банду басти муосир ба дигар шаҳру ноҳияҳои ҷумҳурӣ ва берун аз он содирот мегардад. Дар коргоҳи нав дар як шабонарӯз то 2 тонна асал коркард карда мешавад.

Мавриди ёдоварист, ки ҶДММ «ТОҶ АГРО» соли 2021 дар заминаи ҶДММ «Московский» таъсис ёфта, дар ҳудуди деҳаи Сайроби Ҷамоати деҳоти Панҷоби ноҳияи Мир Сайид Алии Ҳамадонӣ қарор дорад.

Ҷамъияти мазкур дар ихтиёри худ 66 гектар замини корами обӣ дорад, ки аз ин 36,8 гектарашро токзор ва 3 гектарашро боғи мевадиҳанда (себу зардолу) ташкил медиҳад. Аз 36,8 гектар токзор 24 гектараш боғҳои аз нав барқароршудаи яксола буда, 9 гектар токзори ҳосилдеҳ мебошад.

Ҷамъият инчунин дар масоҳати 3 гектар барои парвариши зироат ва дарахтони ситрусӣ 2 гармхонаи доимамалкунанда бунёд намудааст. Дар айни ҳол дар гармхонаҳо парвариши помидор ва дигар намуди зироат ҷараён дошта, ҳосили он ба аҳолӣ пешкаш гардида истодааст.


Дар зертобеи он барои нигоҳдории ҳосили сабзавот, ангуру меваи боғу токзори худ ва хоҷагиҳои ҳудуди ноҳия сардхона бунёд гардидааст, ки масоҳаташ 0,10 гектарро дар бар гирифта, ғунҷоишаш 1000 тоннаро ташкил медиҳад.

Гармхонаҳои ҷамъияти мазкур дар маҷмӯъ 3 гектарро дар бар мегиранд. Қисмати аввали он дар масоҳати 1 гектар моҳи октябри соли 2021 бо иштироки бевоситаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавриди истифода қарор дода шуд. Дар як давра аз як гектар 70 тонна ва давоми сол 140 тонна помидор истеҳсол карда мешавад. Истеҳсоли помидор дар як сол аз 3 гектар 420 тоннаро ташкил медиҳад. Помидори истеҳсолнамуда ба бозори дохилӣ ва хориҷи мамлакат содирот карда мешавад.

АКС: шуъбаи иттилоотию таҳлилии дастгоҳи Раиси вилояти Хатлон

Февраль 21, 2023 09:09

Хабарҳои дигари ин бахш

Саридораи геологияи Тоҷикистон дар мавзуи «Усулҳои муосири кор бо маълумоти геологӣ» машварати омӯзишӣ баргузор намуд
Роҳбарони бонкҳои амонатгузории аъзои WSBI дар Бонн бо таҷрибаи бонкҳои пешрафтаи Олмон шинос гардиданд
Дар Душанбе масъалаи татбиқи минбаъдаи ихтирооти сабтшуда байни Тоҷикистон ва Ташкилоти патентии авруосиёӣ баррасӣ гардид
ИМРӮЗ — РӮЗИ УМУМИҶАҲОНИИ БЕХАТАРИИ МАҲСУЛОТИ ОЗУҚАВОРӢ. Танҳо як ҳолати назарногири риоя накардани ин талабот боиси сар задани бемориҳо ва марги инсонҳо мешавад
«TAJIKISTAN FASHION WEEK». Беш аз 30 тарроҳ маҳсули дастони худро дар Душанбе ба намоиш гузошт
СУПОРИШИ ПРЕЗИДЕНТ. Дар ноҳияи Ҷайҳун 500 гектар замин ба гардиши кишоварзӣ дароварда шуд
Дар Душанбе ҷаласаи 16-уми Кумитаи ҳамоҳангсоз оид ба содагардонии расмиёти савдо доир гардид
«Еximbank»-и Корея дар Минтақаи озоди иқтисодии «Кӯлоб» Маркази логистикӣ бунёд менамояд
Дар шаҳри Ганҷаи Озарбойҷон ҷаласаи 76-уми Шӯрои роҳбарони хадамоти гумруки ИДМ баргузор гардид
Дар корхонаи «Пойафзоли Кангурт» давоми 4 моҳи соли равон 5490 ҷуфт пойафзоли мардона истеҳсол гардидааст
Дар Душанбе бо иштироки Ноиби Президенти Бонки ҷаҳонӣ оид ба Аврупо ва Осиёи Марказӣ Антонелла Бассани машварат доир шуд
Ноиби Президенти Бонки ҷаҳонӣ оид ба Аврупо ва Осиёи Марказӣ Антонелла Бассани аз НБО «Роғун» боздид намуд