Маркази миллии қонунгузорӣ барои такмили механизми татбиқи қонунҳо беш аз 600 таклиф пешниҳод намуд

Февраль 2, 2023 13:36

ДУШАНБЕ, 02.02.2023 /АМИТ «Ховар»/. Соли гузашта аз ҷониби кормандони Маркази миллии қонунгузории назди Президенти Ҷумҳурии Тоҷикистон ду консепсия -Консепсияи такмили Қонуни Ҷумҳурии Тоҷикистон «Дар бораи Ваколатдор оид ба ҳуқуқи инсон дар Ҷумҳурии Тоҷикистон» ва Консепсияи лоиҳаи Кодекси бонкии Ҷумҳурии Тоҷикистон таҳия карда шуд. Дар ин хусус имрӯз Директори Маркази миллии қонунгузории назди Президенти Ҷумҳурии Тоҷикистон Изатулло Саидзода зимни нишасти матбуотӣ ба хабарнигорон иттилоъ дод.

Гуфта шуд, ки ҳамзамон лоиҳаи Методикаи арзёбии хароҷоти субъектҳои фаъолияти соҳибкорӣ вобаста ба таҳлили таъсири танзимкунӣ ва Методикаи таҳлили муқоисавӣ-ҳуқуқии қонунгузории давлатҳои хориҷӣ ҳангоми таҳияи лоиҳаи қонунҳо таҳия карда шуд.

Доир ба фаъолияти Маркази миллии қонунгузории назди Президенти Ҷумҳурии Тоҷикистон Изатулло Саидзода таъкид намуд, ки Марказ фаъолиятро тибқи санадҳои меъёрии ҳуқуқӣ ва дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба роҳ монда, бо мақсади дар амал татбиқ намудани консепсия, стратегия ва барномаҳои давлатӣ, инчунин дастуру супоришҳои мақомоти болоӣ 7 нақшаи чорабиниҳоро таҳия ва амалӣ намуд.

«Инчунин бо ташаббуси Марказ 16 лоиҳаи санадҳои меъёрии ҳуқуқӣ таҳия карда шуда, 135 лоиҳаи санадҳои меъёрии ҳуқуқӣ ва лоиҳаи қонунҳои намунавӣ аз экспертизаи ҳуқуқӣ гузаронида шуд. Марказ баҳри бартараф намудани камбудиҳои ҷойдошта, аз лиҳози илмиву амалӣ асоснок намудан, мукаммалу мушаххас гардонидани механизми татбиқи қонунҳо ба субъектони ҳуқуқэҷодкунанда 623 таклиф пешниҳод намуд»,-иброз дошт Изатулло Саидзода.

Ҳамзамон бо мақсади баланд бардоштани маърифати ҳуқуқии шаҳрвандон ва фаҳмондани муқаррароти асосии қонунгузорӣ аз ҷониби кормандони Марказ 185 мулоқоту баромад тавассути воситаҳои ахбори омма ва сафарҳо ба маҳалҳо анҷом дода шуд.

Фаъолияти нашриявӣ, хусусан чопи маводи ҳуқуқӣ яке аз самтҳои фаъолияти Маркази миллии қонунгузории назди Презимденти Ҷумҳурии Тоҷикистон буда, соли гузашта тафсири Қонуни Ҷумҳурии Тоҷикистон «Дар бораи хоҷагии ёрирасони шахсӣ», нашри аввал, тафсири Кодекси меҳнати Ҷумҳурии Тоҷикистон, нашри чорум, «Ҳуқуқи экологии Ҷумҳурии Тоҷикистон», китоби дарсӣ, қисми махсус, инчунин монографияҳо дар мавзӯъҳои «Танзими ҳуқуқии моликияти зеҳнӣ дар Ҷумҳурии Тоҷикистон», «Институти шартномаи меҳнатӣ: ташаккул, ҳолати кунунӣ ва дурнамои рушд дар Тоҷикистон (бо забони русӣ)» ва маҷаллаҳои илмӣ-таҳлилии «Қонунгузорӣ», «Фаъолияти ҳуқуқэҷодкунӣ»-и Марказ чоп гардиданд. Онҳо дар баланд бардоштани сатҳи маърифати ҳуқуқии шаҳрвандон мусоидат менамоянд.

Ёдовар мешавем, ки Маркази миллии қонунгузории назди Президенти Ҷумҳурии Тоҷикистон мутобиқи Конститутцияи Ҷумҳурии Тоҷикистон бо мақсади такмили қонунгузориӣ ва баланд бардоштани самаранокии фаъолияти ҳуқуқэҷодкунӣ дар мамлакат 14 сол муқаддам, аниқтараш 17 марти соли 2009 бо Фармони Президенти Ҷумҳурии Тоҷикистон таъсис дода шудааст.

Марзия САИДЗОДА,
АМИТ «Ховар»

АКС: АМИТ «Ховар»

Февраль 2, 2023 13:36

Хабарҳои дигари ин бахш

Дар Душанбе масъалаи ҳамкории фарогир байни Тоҷикистон ва Чин баррасӣ гардид
«МАКТАБИ ДАВЛАТДОРИИ ЭМОМАЛӢ РАҲМОН: МАСЪАЛАҲОИ ТАШАККУЛ ВА РУШД». Дар Душанбе ҷилдҳои 4 ва 5-и китоб муаррифӣ гардид
ХУШХАБАР! Созмони умумиҷаҳонии тандурустӣ Тоҷикистонро давлати аз вараҷа озод эътироф кард
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии хизматчиёни давлатӣ ҳамоиш доир намуд
Ба сокинони аз заминларза осебдидаи ноҳияи Кӯҳистони Мастчоҳ кумакҳо расиданд
Дар Хоруғ хизматрасонии автобусҳои нав бо нархи дастрас ба мардум оғоз гардид
Дар Ҷамоати деҳоти ба номи Ҷӯра Раҳмонови шаҳри Турсунзода Маркази саломатии деҳавии «Тойчӣ» ифтитоҳ ёфт
ТАЪСИРИ ТАҒЙИРЁБИИ ИҚЛИМ БА ПИРЯХҲО. Дар Душанбе доир ба он конференсияи байналмилалӣ баргузор мешавад
Дар ноҳияҳои Кӯҳистони Мастчоҳ ва Рашт зарари бар асари заминларза хароб шудани манзилҳои истиқоматӣ муайян гардид
Ҷаласаи якуми коршиносони Созмони умумиҷаҳонии тандурустӣ ба таври маҷозӣ баргузор мешавад
Ҷомеаи шаҳрвандӣ неруи муттаҳидкунанда дар мубориза бар зидди таҳдидҳои ғайрианъанавӣ аст
МАСЛИҲАТИ МУТАХАССИС. Истеъмоли нодуруст ва барзиёди хӯрок сабаби бемории бадҳазмӣ мегардад