Наҷотдиҳандагони тоҷик дар Қаҳрамонмараши Туркия дар маҷмӯъ 109 ҷасадро берун оварданд
ДУШАНБЕ, 14.02.2023 /АМИТ«Ховар»/. Гурӯҳи наҷотдиҳандагони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон барои рафъи корҳои наҷот дар вилояти аз офати табиӣ зарардидаи Қаҳрамонмараш фаъолияти худро идома медиҳад. Дар ин хусус АМИТ «Ховар» бо истинод ба Кумитаи мазкур хабар медиҳад.
Дар маҳаллаҳои таърихии маркази Қаҳрамонмараш воқеан ягон бинои обод боқӣ намондааст. Ба наҷотдиҳандагони Кумита муяссар шуд, ки дар ин ҷо се нафар (ду нафараш тифл)-ро бо ёрии асбобу таҷҳизот зинда пайдо карда, берун оваранд.
«Шабонарӯзи гузашта тайи 18 соати корӣ дар ҷараёни амалиёти ҷустуҷӯӣ наҷотдиҳандагон аз зери харобаҳо 31 ҷасадро ёфта, берун оварданд. Аз оғози корҳо ба наҷотдиҳандагони мо муяссар гардид, ки 109 ҷасадро аз зери тӯдаи оҳану бетон пайдо карда, берун оранд»,-гуфта мешавад дар иттилоия.
Бояд гуфт, ки наҷотдиҳандагон дар шароити хеле душвор кор мекунанд. Бо ёрии таҷҳизоти иктишофӣ ҷои зиндамондагонро ёфта, аз зери харобаҳо баровардан мумкин аст.
Илова бар ин, наҷотдиҳандагони тоҷик ба зарардидагон ёрии аввалин низ мерасонанд.
АКС: Кумитаи ҳолатҳои фавқулода ва мудофиаи гражданӣ
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
Нисбат ба беш аз 1300 волидайн барои бемасъулиятӣ дар тарбияи фарзанд санади маъмурӣ тартиб дода шуд
Ба ноҳияи Лахш як экскаватор ва як мошини пуриқтидори сӯхторхомӯшкунӣ ворид карда шуд
Мулоқоти Президенти Покистон Осиф Алӣ Зардорӣ бо Вазири мудофиаи Тоҷикистон Эмомалӣ Собирзода дар Исломобод
Дар Остона Ҷаласаи XXIII Комиссияи байнидавлатии ҳамкории ҳарбӣ-иқтисодии СААД баргузор гардид
Дар Исломобод мулоқоти Вазири мудофиаи Тоҷикистон бо раиси Кумитаи муштараки сардорони ситодҳои Қувваҳои Мусаллаҳи Покистон баргузор гардид
Нақшаи даъвати ҳарбӣ дар Тоҷикистон қариб 96 фоиз иҷро гардид
