Наҷотдиҳандагони Тоҷикистон аз Туркия ба Душанбе баргаштанд
ДУШАНБЕ, 23.02.2023 /АМИТ «Ховар»/. Имшаб, соати 01:00-и 23 феврал Гурӯҳи панҷоҳнафараи наҷотдиҳандагони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, ки дар вилоятҳои аз заминларза зарардидаи Туркия фаъолият мекарданд, ба Ватан баргаштанд, хабар медиҳад АМИТ «Ховар».
22 феврал наҷотдиҳандагони тоҷик вориди Истанбул шуданд, ки онҳоро дар фурудгоҳ Сафири Фавқулода ва Мухтори Ҷумҳурии Тоҷикистон дар Туркия, роҳбарияти Вазорати корҳои хориҷии Туркия, намояндагони департаменти наҷоти Туркия ва дигар шахсони расмӣ қадрдонӣ карданд.
Сардори гурӯҳи наҷотдиҳӣ Сулаймон Исозода дар Китоби меҳмонони фахрӣ навиштаҷот гузошт. Кормандони фурудгоҳ ва ҳамаи ҳозирин наҷотдиҳандагони моро бо кафкўбӣ ва изҳори сипос гусел карданд. Вазорати корҳои хориҷии Туркия ба наҷотдиҳандагон туҳфаҳои хотиравӣ тақдим карда, ба Ҳукумати мамлакат ва мардуми Тоҷикистон барои кумаку дастгирӣ изҳори сипос намуд.
Ёдовар мешавем, ки наҷотдиҳандагони тоҷик аз 10 феврал дар қаламрави Туркия ба корҳои ҷустуҷӯиву наҷот оғоз карда буданд. Дар ин муддат аз зери харобаҳову вайронаҳо 217 ҷасади ҳалокшудагони ин заминларзаи мудҳишро берун оварда, ба мақомоти дахлдори Туркия супурданд.
Се нафарро аз зери биноҳои харобу валангор зинда пайдо карданд, ки ду нафари онҳо тифлони аз 3 то шашмоҳа буданд.
София ШОИК,
Тоҳирҷон САИД (АКС)
АМИТ «Ховар»
Тоҷикистон ва Узбекистон ҳамкории амниятиро барои муқовимат ба таҳдидҳо тақвият мебахшанд
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
