ОГОҲИИ АГЕНТИИ ОБУҲАВОШИНОСӢ: То 19 феврал дар Тоҷикистон борон ва барф пешгӯӣ мешавад
ДУШАНБЕ, 15.02.2023 /АМИТ «Ховар»/. Аз 15 то 19 феврал дар Тоҷикистон ҳавои абрнок пешгӯӣ шуда, дар водиҳо борон, дар ноҳияҳои кӯҳӣ борон ва барф ба амал меояд. Рӯзона дар баъзе ноҳияҳо борони бошиддат дар назар аст. 20-21 феврал ҳавои тағирёбандаи бебориш пешгӯӣ мешавад. Дар ин хусус ба АМИТ «Ховар» дар Агентии обуҳавошиносии Тоҷикистон иттилоъ доданд.
15-17 феврал бо сабаби ба қаламрави Ҷумҳурии Тоҷикистон воридшавии анбӯҳи ҳавои намнок аз самти уқёнуси Атлантика ва баҳрҳои Миёназамин, Сиёҳ ва Каспий номусоидии вазъи ҳаво пешгӯӣ мешавад. Бинобар пайдарпай ворид шудани анбӯҳи ҳавои намнок ва гарм дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон ба амал омадани борон ва барф боқӣ хоҳад монд.
Инчунин дар ин рӯзҳо дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон, шоҳроҳҳои Душанбе-Чаноқ, Нуробод-Тавилдара, Душанбе-Хоруғ, Хоруғ-Шуғнон ва Хоруғ-Ишкошим фаромадани тарма дар назар аст.
Аз 15 то 19 феврал дар шаҳри Душанбе ҳавои абрнок пешгӯӣ шуда, борон ба амал меояд. Ҳаво шабона 4 ва рӯзона то 12 дараҷа гарм мешавад.
Дар вилояти Хатлон 16-19 феврал ҳавои абрнок пешгӯӣ шуда, борон ба амал меояд. 16-18 феврал дар баъзе ноҳияҳо борони бошиддат ба амал меояд. 19 феврал ҳавои тағйирёбанда шуда, рӯзона асосан бебориш дар назар аст. Ҳаво дар водиҳо шабона аз 5 то 14 дараҷа ва дар доманакӯҳҳо шабона аз 1 то 12 дараҷа гарм мешавад.
16-18 феврал дар вилояти Суғд ҳавои абрнок пешгӯӣ шуда, дар ноҳияҳои алоҳида борон ва барф ба амал меояд. 19 феврал ҳавои тағйирёбандаи бебориш дар назар буда, дар ноҳияҳои алоҳида туман мефарояд. Ҳаво дар водиҳо шабона аз 5 то 10 дараҷа гарм ва дар ноҳияҳои кӯҳӣ аз 2 то 4 дараҷа гарм мешавад.
Дар ноҳияҳои тобеи ҷумҳурӣ 16-19 феврал ҳавои аброк пешгӯӣ шуда, дар водиҳо борон ва дар ноҳияҳои алоҳидаи кӯҳӣ борон ва барф ба амал меояд. Ҳаво дар водиҳо аз 4 то 11 дараҷа гарм ва дар ноҳияҳои кӯҳӣ шабона 1 дараҷа хунук шуда, рӯзона то 9 дараҷа гарм мешавад.
16-17 феврал дар ВМКБ ҳавои тағйирёбанда пешгӯӣ шуда, дар ноҳияҳои алоҳида борон ва барф ба амал меояд. Ҳаво дар ғарби вилоят шабона 2 дараҷа хунук ва рӯзона то 8 дараҷа гарм, дар шарқи вилоят шабона то 15 дараҷа хунук шуда, рӯзона аз 4 дараҷа хунук то 1 дараҷа гарм мешавад.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Дар назди Кумита оид ба таҳсилоти ибтидоӣ ва миёнаи касбӣ маҳфили «Фурӯғи субҳи доноӣ китоб аст» таъсис ёфт
Мавҷудияти деворҳои ҳимоявӣ дар шоҳроҳи Душанбе-Чанок ҷони нафарони зиёдро наҷот додааст
«ЗАНОН ВА ПАЁМ». Дар Хатлон 50 ҳазор занон дар соҳаи маориф фаъолият менамоянд
Дар роҳҳои кӯҳию наздикӯҳии Тоҷикистон хатари лағжиши тарма ва резиши сангу рег пешбинӣ мешавад
Ҳавои моҳи январи имсола нисбат ба соли 2024 гармтар пешгӯйӣ мешавад
Чаро ғизои дар ҳавопаймо дастрас маззаи хӯроки маъмулиро надорад?
ИНТИХОБОТИ ВАКИЛОНИ ХАЛҚ-2025. Интихобот ифодаи рушди демократия мебошад
БАРДОШТ АЗ ПАЁМ. Ҳар давлати миллӣ ба сифати арзишҳои миллӣ, пеш аз ҳама, забонро мавриди пуштибонӣ ва ҳимоя қарор медиҳад
ДАСТОВАРДИ ТАБИБОНИ ТОҶИК. Бори аввал дар самти бемории рагҳои мағзи сар ҷарроҳӣ ба тариқи эндоскопӣ гузаронида шуд
«МАҚОМИ ЗАНОН ДАР МЕҲВАРИ ПАЁМ». Дар шаҳри Душанбе ҳамоиши занону духтарон баргузор гардид
Масъалаи касбомӯзии аҳолӣ дар меҳвари таваҷҷуҳи Ҳукумати мамлакат, хусусан Президенти Тоҷикистон қарор дорад
