ҶОМИ ОСИЁ-2023. Дастаи мунтахаби ҷавонони Тоҷикистон (U-20) барои иштирок дар қисми ниҳоии мусобиқа тамринҳои аввалинро анҷом дод

ДУШАНБЕ, 28.02.2023. /АМИТ «Ховар»/. Дастаи мунтахаби ҷавонони Тоҷикистон (U-20) барои иштирок дар қисми ниҳоии Ҷоми Осиё-2023 тамринҳои аввалини худро дар майдони Академияи «Бунёдкор» анҷом дод. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Бояд тазаккур дод, ки дастаи мунтахаби ҷавонони Тоҷикистон (U-20) таҳти роҳбарии мутахассиси беларусӣ Олег Кубарев 26 феврал барои иштирок дар қисми ниҳоии Ҷоми Осиё-2023 ба шаҳри Тошканд сафар кард.

Дар Ҷоми Осиё-2023 дар Узбекистон дастаи мунтахаби ҷавонони Тоҷикистон (U-20) дар гурӯҳи «С» бо тимҳои Урдун, Уммон ва Кореяи Ҷанубӣ бозӣ мекунад.

Варзишгарони тоҷик дар Чемпионати Осиё байни ҷавонон 2 март бозии якумашонро бо тими Урдун доир менамоянд. Вохӯрӣ дар варзишгоҳи «Локомотив»-и шаҳри Тошканд соати 17:00 оғоз мегардад.

АКС: Федератсияи футболи Тоҷикистон