«Телевизиони Сафина» дар ҳамкорӣ бо студияи «Hong Pictures»-и Корея филми мустанади муштарак ба навор мегирад
ДУШАНБЕ, 08.02.2023 /АМИТ«Ховар»/. Соли 2022 дар Муассисаи давлатии «Телевизиони Сафина» 57 барнома дар жанрҳои гуногун омода карда шуда, ҳамзамон аз ҷониби идораи таҳия ва дубляжи филмҳо шаст филми бадеӣ дар мавзӯъҳои гуногун тарҷумаву дубляж ва пешниҳоди бинандагон гардонида шуданд. Дар ин хусус имрӯз зимни нишасти матбуотӣ дар Муассисаи давлатии «Телевизиони Сафина» ба хабарнигорон иттилоъ дода шуд.
Иброз гардид, ки дар соли 2022 коргардони ҷавони муассиса Усмон Юсуфов филми бадеии «Ситора»-ро бо давомнокии 1 соату 10 дақиқа наворбардорӣ намуд. Нахустнамоиши филми мазкур рӯзҳои наздик доир карда мешавад. Ғайр аз ин кормандони қисми идораи таҳия барномаҳои «Қисмат» ва «Ёддошт»-ро дар 20 нашр пешкаши бинандагон гардониданд.
Дар идомаи нишаст баён карда шуд, ки ҳамкории «Телевизиони Сафина» бо шабакаҳои телевизионии хориҷӣ сол то сол тақвият меёбад. Аз ҷумла, шабака дар ҳамкорӣ бо телевизиони давлатии «KBS»-и Ҷумҳурии Корея дар бораи тарзи ҳаёти «Бабри барфӣ» филми мустанад таҳия намуд, ки тариқи телевизион пахш гардид.
Ҳамзамон давоми соли 2023 дар ҳамкорӣ бо студияи «Hong Pictures»-и Корея ба навор гирифтани филми мустанади муштарак оид ба ҳаёти қутосҳои ваҳшӣ ва дигар ҳайвоноти нодир дар нақша аст.
София ШОИК,
АМИТ «Ховар»
АКС: АМИТ «Ховар»
Дар Душанбе китоби «Президент сказал: Любите!…» рӯнамоӣ гардид
Муовини вазири корҳои хориҷии Умон дар Осорхонаи миллии Тоҷикистон бо таъриху тамаддуни тоҷикон шинос гардид
Дар Теҳрон китоби «Бо корвони «Шоҳнома»: аз Тӯс то Душанбе» ба нашр расид
35-СОЛАГИИ ИСТИҚЛОЛИ ДАВЛАТӢ. Кинотеатри «Ватан» навсозӣ ва бо технологияи муосири намоиши филмҳо муҷаҳҳаз гардонида шуд
Рӯзи фарҳанги вилояти Хатлон бо шукуҳу шаҳомати хос баргузор гардид
Таҳти унвони «Нақши китобхонаҳои шахсӣ дар рушди китобдории миллати тоҷик дар замони ҷаҳонишавӣ» ҳамоиш доир шуд
Пагоҳ дар Душанбе Рӯзи фарҳанги вилояти Хатлон баргузор мешавад
Соли 2027 дар Тоҷикистон Рӯзҳои фарҳанги Покистон баргузор мегарданд
«АЗ СУЛҲИ ТОҶИКОН ТО СУЛҲИ ҶАҲОН». Таҳти чунин унвон дар Душанбе конфронси илмӣ-амалӣ доир шуд
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
