ҚУТОСПАРВАРӢ ДАР МУРҒОБ. Барои зиёд кардани саршумори он барномаи махсуси давлатӣ қабул шудааст

Февраль 1, 2023 17:43

ХОРУҒ, 31.01.2023 /АМИТ «Ховар»/. Даҳ сол пеш саршумори қутос дар ноҳияи Мурғоби  Вилояти Мухтори Кӯҳистони Бадахшон то ба 12 ҳазор сар коҳиш ёфт. Сардии ҳаво, норасоии хӯроки кофӣ ва  хариду фуруши аз меъёр зиёд гушти қутос сабаби аслии  кам гардидани қутос дар қаламрави вилоят гардид. Мутобиқи маълумоти оморӣ, дар минтақаи Помири Шарқӣ беш аз 24 ҳазор сар қутос парвариш меёбанд, ки бештар аз 19 ҳазор сари он ба ноҳияи Мурғоб рост меояд, иттилоъ додааст мухбири минтақавии АМИТ «Ховар» Файз МИРАСАН.

Муовини сардори Раёсати кишоварзии вилоят Раҷаббек Раҷаббеков гуфт, ки «қутоспарварӣ дар мамлакат яке аз соҳаҳои муҳими чорводорӣ ба ҳисоб рафта, Ҳукумати Ҷумҳурии Тоҷикистон ба рушди бемайлони он таваҷҷуҳи хосса равона намуда, баҳри зиёд кардани саршумори ин намуди чорво  барномаи махсуси давлатӣ  қабул намудааст. Иқлими ноҳияи баландкӯҳи Мурғоб назар ба дигар ноҳияҳои кӯҳӣ барои рушди қутоспарварӣ хеле мутобиқ аст. Танҳо дар канори  яке аз зеботарин кӯлҳои ин ноҳия- Зоркӯл зиёда аз 9 чарогоҳи  зимистона мавҷуд буда, дар ҳар яки ин чарогоҳҳо то 100 сар қутос парвариш меёбад. Гарчанде зимистони соли равон сард бошад ҳам, бориши ками барф дар ин минтақа имконият фароҳам овард, ки чорво аз рустаниҳои чарогоҳҳои табиӣ бештар истифода барад».

Ба гуфтаи муовини сардори Раёсати кишоварзии вилоят, «яке аз хатарҳое, ки ба рушди ин соҳа монеа эҷод мекунад, ин сардии ҳаво ва бориши пай дар пай мебошад. Агар барф зиёд набошад, қутос бе ягон мушкилӣ гиёҳу алафҳои табииро пайдо мекунад, аммо агар замин пурра барфпӯш бошад, қутос гурусна ва аз ҳаракат боз монда, аз по меафтад. Ҳоло ҳарорати ҳаво дар ноҳия муътадил аст ва ҳайвонот аз хӯроки табиӣ истифода мебаранд. Сарфи назар аз ин. дар назди ҳар як чарогоҳ хӯроки кофӣ захира шуда, дар сурати тағйири ҳаво чорво дар муддати то як моҳ аз хӯрок таъмин мегардад».

Мақомоти иҷроияи ҳокимияти давлатии ноҳияи Мурғоб барои чорводорон низ шароити хуби маишӣ фароҳам овардааст. Яке аз чорводорон, ки худро Ҳакимбек Хисравов муаррифӣ кард, изҳор намуд, ки «шаш сол боз дар мавзеи Қумбӣ ба чорвопарварӣ машғул аст ва ҳоло дар чарогоҳаш каме бештар аз 90 сар қутос дорад. Дар ин рӯзҳои моҳи январ ҳанӯз ҳарорати ҳаво муътадил аст, агарчӣ каме сард аст, аммо муҳим ин ки рӯи заминро барфи ғафс напечонидааст ва чорво аз алафи табиии қад-қади сойҳо баҳра мегирад. Барои беталаф паси  сар кардани зимистон имконияти зарурӣ фароҳам оварда шудаанд».

«Барои мо, чорводорон низ шароити хуб фароҳам шудааст. Ҷои зистамон ба панелҳои офтобӣ васл шудааст. Ба василаи неруи офтоб ҳам хонаамон равшан аст ва ҳам шабона барномаҳои шабакаҳои телевизионии ватанӣ ва беруниро тамошо мекунем», — афзуд Ҳакимбек Хисравов.

АКС: АМИТ «Ховар»

Февраль 1, 2023 17:43

Хабарҳои дигари ин бахш

«БАРНОМАИ МИЁНАМУҲЛАТИ РУШДИ ИҚТИСОДИ РАҚАМӢ».Мутахассис ин мавзуъро шарҳ медиҳад
ТИҶОРАТИ РАҚАМӢ. Он ба густариши фаъолияти соҳибкорӣ ва баланд бардоштани рақобатпазирии иқтисоди миллӣ мусоидат менамояд
МАСЛИҲАТИ МУТАХАССИС. Барои ҳифзи боғҳо корҳои агротехникии тирамоҳӣ аҳамияти муҳим доранд
Истгоҳи обуҳавосанҷии Горбунов дар пиряхи «Тоҷикистон» навсозӣ карда мешавад
ҚАТЪНОМАИ ТАЪРИХӢ БАРОИ ОСИЁИ МАРКАЗӢ. Чӣ гуна ташаббуси Президенти Тоҷикистон зеҳни сунъиро ба рӯзномаи Маҷмаи Умумии СММ ворид кард
Ба бунёди боғҳои интенсивӣ ва суперинтенсивӣ таваҷҷуҳро бештар намоем. Шарҳи коршинос
Ҳаҷми маблағгузории Фонди иқлими сабз барои Тоҷикистон ба 235 миллион доллар расидааст
Ҷаласаи навбатии Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир шуд
«БАРНОМАИ ДАВЛАТИИ РУШДИ МАЪРИФАТ ВА ФАРҲАНГИ ЭКОЛОГӢ». Он ба баланд бардоштани фарҳанги экологии аҳолӣ равона шудааст
Тоҷикистон дар COP31 таъсиси платформаи минтақавии инноватсияҳои «сабз»-ро дар Осиёи Марказӣ пешниҳод намуд
Директори Агентии авиатсияи гражданӣ Ҳабибулло Назарзода дар Ассамблеяи 43-юми ИКАО дар шаҳри Монреали Канада иштирок намуд
Ҳамкории Тоҷикистон бо Фонди ОПЕК дар самти ҳифзи муҳити зист густариш меёбад