БА ИФТИХОРИ НАВРӮЗ. Дар шаҳри Турсунзода 30 иншооти гуногун ба истифода дода шуд
ТУРСУНЗОДА, 25.03.2023 /АМИТ «Ховар»/. Дар доираи сазовор пешвоз гирифтани ҷашни 35-солагии Истиқлоли давлатӣ ва Ҷашни байналмилалии Наврӯз дар шаҳри Турсунзода 30 иншооти таъйиноти гуногун ба истифода дода шуд. Дар ин бора ба хабарнигори минтақавии АМИТ «Ховар» Субҳониддини Маҳмуд дар дафтари матбуоти раиси шаҳри Турсунзода иттилоъ доданд.
Дар арафаи ҷашни Наврӯз дар деҳаи Сангқалъаи Ҷамоати деҳоти Навобод бинои иловагии муассисаи таҳсилоти миёнаи умумии №24, дар Ҷамоати деҳоти Сешанбе бинои муассисаи таҳсилоти миёнаи асосии №104, дар маркази шаҳри Турсунзода Маркази кардиологии «Садои дил», дар ҷамоатҳои деҳоти Регар ва ва Ҷура Раҳмон 2 бунгоҳи тиббӣ, дар деҳаи Боқӣ Раҳимзода хонаи фарҳанг, дар деҳаи Ғарави Ҷамоати деҳоти Регар хонаи саломатии «Ғарав», дар деҳаи Даҳбед толори варзишӣ, дар Ҷамоати деҳоти 10-солагии Истиқлолият як майдончаи варзишии замонавӣ ва дигар иншоти хизматрасонӣ дар ҳудуди шаҳр мавриди баҳрабардорӣ қарор дода шуд. Иншооти мазкур бо дастгирии Мақомоти иҷроияи ҳокимияти давлатии шаҳри Турсунзода ва саҳми сокинону соҳибкорони маҳаллӣ бунёд гардид, ки барои мутахассиону шаҳрвандони бекор даҳҳо ҷойи кори нав муҳайё намудаанд.
Бояд гуфт, ки қаблан як қисми иншооти мазкур дар шароити нохуб ва садамавӣ қарор дошта, бо дастгирӣ ва кӯшишу тавоноии сокинону соҳибкорон дубора барқарор гардид ва кормандон метавонанд дар шароити хуби корӣ бо таҷҳизоти замонавӣ ба аҳолӣ хизмат расонанд.
Дар доираи ҷашни 35-солагии Истиқлоли давлатии Ҷумҳурии Тоҷикистон дар ҳамкорӣ бо соҳибкорон дар маркази шаҳр ва ҷамоатҳои шаҳраку деҳот корҳои ободонӣ вусъат ёфта, бунёду барқарорсозии 398 иншооти мухталиф ба нақша гирифта шудааст. То имрӯз зиёда аз 100 иншооти гуногун ба истифода дода шуд.
Соли 2023 дар заминаи 29 муассисаи таълимӣ 270 синфхонаи иловагӣ барои 6440 нафар хонанда ва 6 кӯдакистон барои 594 кӯдак мавриди баҳрабардорӣ қарор дода мешавад.
АКС: Мақомоти иҷроияи ҳокимияти давлатии шаҳри Турсунзода
35-СОЛАГИИ ИСТИҚЛОЛИ ДАВЛАТӢ. Дар шаҳри Панҷакент 656 иншоот ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар ҷамоатҳо ва шаҳраки ноҳияи Мурғоб иншооти ҷашнӣ бунёд мешаванд
Сарвари давлат Эмомалӣ Раҳмон бо фаъолони соҳаи саноати вилояти Суғд мулоқот намуданд
Пешвои миллат Эмомалӣ Раҳмон дар ноҳияи Бобоҷон Ғафуров ба сохтмони корхонаи ғанигардонии маъдани оҳани ҶСП «Комбинати металлургии тоҷик» санги асос гузоштанд
Бинои Маркази таъминоти бехатарии озуқаворӣ дар шаҳри Конибодом навсозӣ мегардад
Президенти Тоҷикистон Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Саховат»-ро ифтитоҳ намуданд
Пешвои миллат Эмомалӣ Раҳмон дар деҳаи Шамсободи ноҳияи Бобоҷон Ғафуров Маркази саломатиро мавриди истифода қарор доданд
Сарвари давлат Эмомалӣ Раҳмон дар ноҳияи Бобоҷон Ғафуров бинои Муассисаи таҳсилоти томактабии «Наврӯз»-ро баъд аз навсозӣ ба истифода доданд
Пешвои миллат Эмомалӣ Раҳмон дар шаҳри Хуҷанд корхонаи муштараки истеҳсоли профилҳои пластикӣ ва алюминии ҶДММ «Афранг Пластик»-ро мавриди истифода қарор доданд
Президенти Тоҷикистон Эмомалӣ Раҳмон дар шаҳри Хуҷанд корхонаи истеҳсоли панелҳои сохтмонии ҶДММ «Тоҷпанел»-ро ифтитоҳ намуданд
Сарвари давлат Эмомалӣ Раҳмон дар шаҳри Хуҷанд Муассисаи таҳсилоти томактабии Навбаҳорро ифтитоҳ намуданд
Дар шаҳри Турсунзода Маркази саломатии деҳавии «Саркор» ба истифода дода шуд
