Дар Душанбе Конфронси нуҳум оид ба ҳамкории байниминтақавии Тоҷикистон ва Русия оғоз ёфт
ДУШАНБЕ, 02.03.2023. /АМИТ «Ховар»/. Имрӯз дар Китобхонаи миллии Тоҷикистон Конфронси нуҳум оид ба ҳамкории байниминтақавии Тоҷикистон ва Русия оғоз гардид. Дар ин хусус ба АМИТ «Ховар» дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон хабар доданд.
Қабл аз оғози қисми расмии конфронс дар бахшҳои саноат, энергетика ва ҳифзи муҳити зист, нақлиёту логистика, сайёҳӣ, маориф ва илм ва ҳамкории байнишаҳрӣ панелҳои алоҳида оғоз шуда, ҷараён доранд.
Зимни баргузории конфронс вохӯрии дуҷонибаи соҳибкорони Тоҷикистон ва Русия — «Соҳибкор бо соҳибкор» (В2В) ва «Соҳибкор бо намояндаи давлат» (В2G) дар назар аст, ки дар он масъалаҳои тиҷоратӣ ва ҳамкорӣ мавриди таваҷҷуҳи намояндагони бахши хусусии ҷонибҳо бо имзои санадҳои нави ҳамкорӣ қарор мегиранд.
Нимаи дуюми имрӯз қисмати асосии конфронс бо иштироки Сарвазири Ҷумҳурии Тоҷикистон Қоҳир Расулзода ва Раиси Ҳукумати Федератсияи Русия Михаил Мишустин доир мешавад.
Таъкид гардид, ки конфронси мазкур ба рушди имконоти фарохи ҳамкорӣ байни соҳибкорону сармоягузорон ва ба роҳ мондани муносибатҳои иқтисодии мутақобилан судманди Тоҷикистон ва Русия мусоидат менамояд.
Зимни баргузории конфронс имконоти сармоягузории мамлакат ва механизму қонунгузории соҳа ба меҳмонон ва сармоягузорон муаррифӣ карда мешаванд.
Бояд гуфт, ки дар конфронс намояндагони зиёда 800 ширкату корхонаи соҳаҳои гуногуни фаъолияти хоҷагидории Тоҷикистон ва Русия, аз ҷумла роҳбарони вазорату идораҳо, роҳбарони мақомоти минтақавӣ, ширкатҳои истеҳсолкунандаи маҳсулоти саноати бофандагӣ, мошинсозӣ, нақлиёт ва коммуникатсия, саноати техникӣ, кишоварзӣ, тандурустӣ, хизматрасониҳои молиявӣ ва сайёҳӣ ва диигар корхонаҳои давлатию хусусӣ иштирок доранд.
Шаҳлои САДРИДДИН,
АМИТ «Ховар»
АКС: АМИТ «Ховар»
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
