«КАДБОНУИ БЕҲТАРИН». Дар озмуни вилоятӣ шаҳри Хоруғ соҳиби ҷойи аввал гардид
ДУШАНБЕ, 15.03.2023 /АМИТ «Ховар»/. Бахшида ба Ҷашни байналмилалии Наврӯз бо ибтикори Мақомоти иҷроияи ҳокимияти давлатии Вилояти Мухтори Кӯҳистони Бадахшон дар шаҳри Хоруғ даври вилоятии озмуни «Кадбонуи беҳтарин» бо иштироки ғолибони даври ноҳиявӣ ва шаҳрӣ баргузор шуд, ки дар он шаҳри Хоруғ сазовори ҷойи аввал гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Хоруғ хабар медиҳад.
Бо намояндагӣ аз номи Мақомоти иҷроияи ҳокимияти давлатии шаҳри Хоруғ собиқадори меҳнат, зани фаъол Ҳоҷатбегим Асматулоева истеъдоди баланди ҳунармандии занони шаҳри Хоруғро муаррифӣ намуда, сазовори ҷои аввал гардид.
Ҳамзамон дар озмун дар баробари шаҳри Хоруғ ҷойи дуввум насиби ноҳияи Рӯшон шуда, мақоми сеюм ба ноҳияи Мурғоб дода шуд.
Ҳайати ҳакамон завқи баланди оростани хони идона ва дастурхони кадбонуҳоро аз рӯи маҳорати баланди пазандагӣ, омода намудани таомҳои миллии қадимӣ, хӯрокҳои миллии замонавӣ, эҳёи таомҳои миллӣ, хӯришҳо, шириниҳо, анвои гуногуни нон ба инобат гирифта, ғолибонро муайян карданд.
Гуфта шуд, ки баргузор намудани чунин озмунҳо хеле муҳим аст, зеро ба ин восита ҷавонону наврасони мо аз ҳунармандони беҳтарин нозукиҳои ин касбро омӯхта, ба пухту паз муҳаббат пайдо мекунанд. Чунин озмунҳо ба эҳё ва рушди ҳунарҳои қадимии тоҷикон, аз ҷумла таббохӣ мусоидат менамояд.
Ғолибони озмун ва беҳтарин кадбонуҳо бо Сипосномаи роҳбарияти Вилояти Мухтори Кӯҳистони Бадахшон ва туҳфаҳои хотиравӣ қадрдонӣ гардиданд.
Ёдовар мешавем, ки дар заминаи нақшаи чорабиниҳои Кумитаи кор бо занон ва оилаи назди Ҳукумати Ҷумҳурии Тоҷикистон вобаста ба баргузории фестивал, намоиш, ид, озмуну анъана ва эҳёи ҳунарҳои мардумӣ дар Ҷумҳурии Тоҷикистон ҳамасола дар шаҳру навоҳии мамлакат озмуни «Кадбонуи беҳтарин» баргузор карда мешавад.
АКС: Мақомоти иҷроияи ҳокимияти давлатии шаҳри Хоруғ
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
