МОДАР-САРЧАШМАИ ҲАЁТИ МУЗАФФАР. Дар Муассисаи нашриявии «Ирфон» ҳамоиши идона доир гардид
ДУШАНБЕ, 07.06.2023. /АМИТ «Ховар»/. Имрӯз дар Муассисаи нашриявии «Ирфон» таҳти унвони «Зан-Модар — таҳкимгари сулҳу суботи комил ва ваҳдати миллӣ» ҷамъомади кормандон баргузор гардид, хабар доданд ба АМИТ «Ховар» дар муассисаи мазкур.
Директори Муассисаи нашриявии «Ирфон» Қурбон Ғуломзода зимни табрики занону модарон бо ин ҷашни муқаддас иброз дошт, ки “Модар қувваи бузурги башарият буда, танзимгари неруи ақлонию ҷисмонӣ ба шумор меравад. Беҳуда нест, ки Президенти Ҷумҳурии Тоҷикистон муҳтарам Эмомалӣ Раҳмон дар Паёми шодбошии хеш ба ин муносибат қадри занро бузург арзёбӣ намуда, аз ҷумла чунин таъкид намудаанд: «Мо вазифадорем, ки модарону бонувонро ҳамчун чароғи хонадон ва нигаҳдорандаи гармии ҳар хонаю кошона дӯст дорем, ба қадри муҳаббату бедорхобӣ ва заҳмату талошҳои онҳо бирасем, эҳтиромашонро ба ҷо оварем. Ва кӯшиш намоем, ки модарону занон ва хоҳарону духтарони мо ҳамеша саломат, хушбахт ва саодатманд бошанд. Дар ин рӯзи саид ба модарону занони азизи мамлакат муроҷиат карда, мехоҳам хотиррасон намоям, ки амонати вазнини инсонсозӣ, яъне ташаккули инсони солеҳу солим маҳз ба дӯши шумо гузошта шудааст».
Иброз гардид, ки бо самимияту дӯстдорӣ ва муҳаббату қадршиносӣ ҷашн гирифтани Рӯзи Модар дар ҷумҳурии мо нишонаи эътибору эҳтироми давлату Ҳукумат ва мардуми мамлакат ба Модар ва қадру манзалати шоистаи ӯ мебошад. Зеро Модар мураббии нахустини инсон, субҳи гулафшони баҳор, хуршеди ишқу муҳаббат, паёмовари сулҳу сахо ва дарёи бепоёни меҳр аст.
Агар Наврӯз оғози эҳёи табиат бошад, Зан –Модар офарандаи ҳаёти инсонӣ мебошад. Ба ибораи дигар, зиндагии аҳли башар аз домони поки модар ва шири сафеду ҷонбахши ӯ сарчашма мегирад.
Дар ҳақиқат имрӯз ба дӯши модарон вазифаҳои хеле масъулиятнок гузошта шудааст. Албатта, маҳз модарон метавонанд, ки ин уҳдадорӣ ва масъулияти баланди зиндагиро сарбаландона иҷро намоянд, дар мустаҳкам гардидани сулҳу суботи комил, якдигарфаҳмӣ, ваҳдати миллӣ ва рушди дигар соҳаҳои давлатдории Тоҷикистон саҳм гузоранд.
Дар ҷамъомад кормандони масъули соҳа оид ба сарчашмаи ҳаёти музаффар будани занон ва хизматҳои шоёни онҳо дар ҷомеа сухан гуфтанд.
АКС аз бойгонӣ
Дар Академияи миллии илмҳои Тоҷикистон Озмоишгоҳи нави харитасозии радиатсионӣ ифтитоҳ гардид
Маърузаи олими тоҷик доир ба ҳифз ва рушди анъанаҳои миллии фарҳанг ва санъат дар ҷаҳон соҳиби ҷоизаи махсус гардид
Ҳайати мақомоти зиддикоррупсионии Узбекистон бо таъриху фарҳанги миллати тоҷик шинос шуд
Китоби академик Фарҳод Раҳимӣ доир ба ташаббусҳои Президенти Тоҷикистон, пиряхҳо ва иқлим ба нашр расид
Дар Маркази рушди инноватсионии илм ва технологияҳои нав системаи гармидиҳӣ насб мегардад
Ҷаласаи Кумитаи тадорукоти Синамоҷашнвораи дуюми байналмилалии Душанбе «Тоҷи Сомон» баргузор гардид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
НИШАСТИ МАТБУОТӢ. Донишҷӯёни Консерваторияи миллӣ дар озмунҳои байналмилалӣ ҷойҳои намоёнро гирифтанд
Дар муассисаҳои илмию таҳқиқотии Академияи миллии илмҳои Тоҷикистон 8 озмоишгоҳи нав ба истифода дода шуд
НИШАСТИ МАТБУОТӢ. Донишкадаи давлатии фарҳанг ва санъати Тоҷикистон ихтисоси «Омӯзгорони томактабӣ» таъсис медиҳад
