«НАҚШИ ЗАНОН ДАР ХИЗМАТИ ДАВЛАТӢ». Таҳти ин унвон дар Агентии хизмати давлатӣ ҳамоиш баргузор шуд
ДУШАНБЕ, 04.03.2023. /АМИТ «Ховар»/. Бо ташаббуси Агентии хизмати давлатии назди Президенти Ҷумҳурии Тоҷикистон бахшида ба Рӯзи Модар таҳти унвони «Нақши занон дар хизмати давлатӣ» ҳамоиши тантанавӣ доир гардид, ки дар он фаъолзанони мамлакат, хизматчиёни давлатӣ, ходимони сиёсиву ҷамъиятӣ, роҳбарият ва кормандони Агентӣ, занони роҳбар ва дар захираи кадрҳобудаи мақомоти марказии ҳокимияти давлатӣ ва магистрантони хизматчии давлатӣ иштирок намуданд. Дар ин хусус ба АМИТ «Ховар» дар агентии мазкур хабар доданд.
Дар ҷамъомад роҳбарияти Вазорати фарҳанги Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон, Хадамоти иҷрои назди Ҳукумати Ҷумҳурии Тоҷикистон ва Академияи идоракунии давлатии назди Президенти Ҷумҳурии Тоҷикистон иштирок намуда, доир ба нақши занон дар ҷомеаи имрӯза изҳори назар карданд.
Тазаккур дода шуд, ки дар мамлакати соҳибистиқлоламон бонувон дар баробари тарбияи фарзандони солеҳ, чун қувваи бузургу пешбаранда дар тамоми соҳаҳои ҳаёти ҷомеа бо пайравӣ аз сиёсати созандаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри пешрафти Ватан баробари мардон фаъолияти созанда доранд ва ҳамарўза бо ташаббусҳои наҷиб, эҷодкорӣ ва садоқату самимият қалбҳои ҳамкоронро нуру сафо мебахшанд.
Дар ҷараёни ҳамоиш, дар вазъияти тантанавӣ ба шунавандагони курси такмили ихтисос- занони роҳбар ва дар захираи кадрҳобудаи мақомоти марказии ҳокимияти давлатӣ аз рӯи барномаи «Малакаи роҳбарӣ» Гувоҳномаи хатми курс супорида шуд.
АКС: Агентии хизмати давлатии назди Президенти Ҷумҳурии Тоҷикистон
Бахшида ба Рӯзи кормандони соҳаи меҳнат ва ҳифзи иҷтимоии аҳолӣ ҳамоиш доир шуд
ТАРМАФАРОӢ. Имрӯз дар баъзе ноҳияҳои Тоҷикистон фаромадани тарма пешгӯӣ мешавад
Дар вилояти Хатлон оид ба таълим ва тарбияи ҳуқуқии шаҳрвандон ҷаласа доир шуд
ҲАДАФ-ҲИФЗИ ПАРАНДАГОН ВА ҲАЙВОНОТ. Дар Тоҷикистон корҳои биотехникӣ гузаронида мешаванд
Муассисаҳои таълимии таҳсилоти ибтидоӣ ва миёнаи касбӣ бо таҷҳизоти муосири омӯзишӣ таъмин карда мешаванд
«МО НАКУНЕМ, КӢ МЕКУНАД?». Дар Душанбе бо иштироки волонтёрон ҳашари барфтозакунӣ ташкил гардид
Аз шаби дирӯз то имрӯз дар масири Душанбе-Чанок 29 тарма фаромадааст
Лоиҳаи нави барномаи грантии Иттиҳоди Аврупо дар соҳаи таҳсилоти касбӣ-техникӣ баррасӣ шуд
ПЕШГИРИИ ОВОРАГАРДИИ НОБОЛИҒОН. Бо ин мақсад дар шаҳри Бохтар санҷиши шабона гузаронида шуд
ОГОҲИИ АГЕНТИИ ОБУҲАВОШИНОСӢ. Пагоҳ дар Тоҷикистон ҳавои номусоид пешгӯӣ мешавад
Агентии «Тоҷикстандарт»: «Ҳангоми харид ва истифодаи маҳсулоти консервашуда бо диққат бошед!»
ТАВСИЯИ СУДМАНД. Дар рӯзҳои зимистон чӣ гуна худро аз сармо эмин нигоҳ дорем?
