Рашид Мередов: «Ҳамкории тиҷоратию иқтисодӣ ва фарҳангиву гуманитарӣ байни Туркманистон ва Тоҷикистон босуръат рушд мекунад»
ДУШАНБЕ, 09.03.2023 /АМИТ «Ховар»/. Президенти Ҷумҳурии Тоҷикистон Эмомалӣ Раҳмон муовини раиси Девони вазирон, Вазири корҳои хориҷии Туркманистон Рашид Мередовро, ки бо сафари расмӣ дар Тоҷикистон қарор дорад, ба ҳузур пазируфтанд.
«Мехоҳам ба Президенти Тоҷикистон муҳтарам Эмомалӣ Раҳмон барои суҳбат ва муносибати боэҳтиром нисбат ба Туркманистон, ба мардум ва роҳбарияти кишварамон, барои таваҷҷуҳи бузурге, ки шахсан ба омодагӣ ба сафари аввалини давлатии Президенти Туркманистон муҳтарам Сердар Бердимуҳаммадов ба Тоҷикистон зоҳир менамоянд, изҳори сипос гӯям», — иброз намуд Вазири корҳои хориҷии Туркманистон Рашид Мередов дар нишасти матбуотӣ барои рӯзноманигорон оид ба натиҷаҳои мулоқот бо Президенти Тоҷикистон.
Ба гуфтаи ӯ, дар ин вохӯрӣ вазъи кунунӣ ва дурнамои равобити дуҷонибаи Тоҷикистон ва Туркманистон баррасӣ карда шуд.
Рашид Мередов таъкид кард, ки имрӯз Туркманистон ва Тоҷикистон ҳамкориро дар доираи васеи масъалаҳо, аз ҷумла дар ҷанбаи сиёсиву дипломатӣ густариш медиҳанд. «Дар ин росто давлатҳои мо тайи беш аз 30 сол аст, ки ҳамдигарро дар арсаи байналмилалии сиёсӣ, пеш аз ҳама, дар Созмони Милали Муттаҳид ва дигар ниҳодҳои муҳими байналмилалӣ дастгирӣ мекунанд», — илова намуд Вазири корҳои хориҷии Туркманистон.
Вазири корҳои хориҷии Туркманистон таъкид намуд, ки ҳамкории тиҷоратию иқтисодӣ ва фарҳангиву гуманитарӣ байни ду давлат босуръат инкишоф ёфта, минбаъд зиёд ва амиқтар хоҳад шуд.
«Мулоқот хеле созанда буд, ман барои ин вохӯрии судманд аз Президенти Тоҷикистон Эмомалӣ Раҳмон миннатдорам», — гуфт дар анҷом Вазири корҳои хориҷии Туркманистон Рашид Мередов.
Ёдовар мешавем, ки дар нимаи дуюми рӯзи 8 март муовини раиси Девони вазирон, Вазири корҳои хориҷии Туркманистон Рашид Мередов бо сафари расмӣ ба Душанбе омад.
АКС: Хадамоти матбуоти Президенти Ҷумҳурии Тоҷикистон/ АМИТ «Ховар»
Сафири Тоҷикистон бо Роҳбари Мақомоти миллии воситаҳои ахбори оммаи Амороти Муттаҳидаи Араб мулоқот намуд
Дар шаҳри Банфи Канада чорабинии сатҳи баланд оид ба Соли байналмилалии ҳифзи пиряхҳо доир гардид
Сафири навтаъйини Тоҷикистон дар Вазорати корҳои хориҷии Туркия нусхаи эътимоднома супорид
Дар Москва ҳамкории Тоҷикистон ва Русия дар соҳаи илму маориф баррасӣ гардид
Дар Тошканд ҳамкории минтақавии давлатҳои Осиёи Марказӣ дар соҳаи обу энергетика баррасӣ гардид
Сироҷиддин Муҳриддин бо роҳбари Дафтари барномаҳои САҲА дар Тоҷикистон мулоқот намуд
Дар Боку вобаста ба раёсати Ҷумҳурии Тоҷикистон дар Иттиҳоди Давлатҳои Мустақил брифинг доир гардид
Тоҷикистон ва Уммон ҳамкориро дар соҳаҳои сиёсӣ, иқтисодӣ ва сайёҳӣ густариш медиҳанд
Таҳкими ҳамкории Тоҷикистон бо Кумитаи иҷроияи Маркази минтақавии зиддитеррористии СҲШ баррасӣ гардид
Рӯзи байналмилалии энергияи тоза. Тоҷикистон давлати пешсафи ҷаҳонӣ дар истеҳсоли энергияи таҷдидшаванда муаррифӣ шуд
Дар Минск таҳти раёсати Тоҷикистон машваратҳои сиёсӣ бахшида ба такмили фаъолияти Иттиҳоди Давлатҳои Мустақил баргузор шуданд
Дар Москва ҷаласаи Шурои ҷамъиятии назди Сафорати Тоҷикистон дар Русия баргузор гардид
