Соҳибкорони вилояти Суғд якҷо бо тоҷирони рус лоиҳаҳои муштараки иқтисодиро амалӣ менамоянд
ДУШАНБЕ, 02.03.2023 /АМИТ «Ховар»/. Бо мақсади густариши робитаҳои иқтисодӣ, ба роҳ мондани ҳамкорӣ дар бахшҳои саноату савдо ва кишоварзӣ гурӯҳи калони соҳибкорон ва намояндагони мақомоти давлатии вилояти Нижегороди Федератсияи Русия ба вилояти Суғд омада, бо роҳбарияти вилоят мулоқот намуданд. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Бояд гуфт, ки дар вилояти Суғд ба рушди соҳаи саноат, кишоварзӣ ва сайёҳӣ таваҷҷуҳи хосса равона гардида, молу маҳсулоти истеҳсолкунандагон ба хориҷи мамлакат, аз ҷумла минтақаҳои гуногуни Федератсияи Русия содирот карда мешавад.
Намояндаи Нижегород таъкид кард, ки сафари соҳибкорони ин вилоят ба густариши ҳамкорӣ ва татбиқи лоиҳаҳои дуҷониба такони ҷиддӣ хоҳад бахшид.
Таъкид карда шуд, ки дар вилояти Нижегород саноати мошинсозӣ, саноати сабук ва коркард хеле рушд карда, соҳибкорони рус омодаанд бо соҳибкорони тоҷик якҷо лоиҳаҳои муштаракро амалӣ намоянд.
Дар мулоқот гуфта шуд, ки вилояти Суғд дорои имконоти васеъ буда, барои ҳамкорӣ дар ҳамаи бахшҳо, аз ҷумла саноати мошинсозӣ, истеҳсоли техникаҳои коммуналӣ, саноати сабук, коркарди пашм, истеҳсол, коркард ва содироти маҳсулоти кишоварзӣ ва сайёҳӣ омода аст.
Ёдовар мешавем, ки 2-3 март дар Китобхонаи миллии Тоҷикистон вохӯриҳои дуҷонибаи соҳибкорони Ҷумҳурии Тоҷикистон ва Федератсияи Русия баргузор мегарданд.
АКС: Хадамоти матбуоти Раиси вилояти Суғд
Дар Вазорати рушди иқтисод ва савдои Ҷумҳурии Тоҷикистон ҳамоиши ҷавонон доир гардид
Раёсати ҷониби Тоҷикистон дар ҷаласаи Шурои роҳбарони мақомоти омори мамлакатҳои аъзои Иттиҳоди Давлатҳои Мустақил
Байни Палатаи савдо ва саноати Ҷумҳурии Тоҷикистон ва Ҷамъияти дорои масъулияти маҳдуди «РВБ» Ёддошти тафоҳуми ҳамкорӣ ба имзо расид
Ҷаласаи Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкории иқтисодию тиҷоратӣ баргузор гардид
Ҳамкории тиҷоратию иқтисодӣ ва сармоягузории дуҷониба байни Тоҷикистон ва Амороти Муттаҳидаи Араб густариш меёбад
Дар Душанбе ҳамкории ширкатҳои австриягӣ дар бунёди неругоҳҳои барқи обӣ дар Тоҷикистон баррасӣ шуд
Ҳайати Тоҷикистон дар Форум-намоишгоҳи байналмилалии сохтмонӣ 100+ TechnoBuild иштирок намуд
Ҳамлу нақли транзитии воситаҳои нақлиёти боркаш тавассути қаламрави Тоҷикистон ва Узбекистон бе рухсатнома амалӣ мегардад
Дар дарёи Ғунд Неругоҳи барқи обии «Чарсем» бунёд карда мешавад
Ҷаласаи Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкории иқтисодӣ доир мегардад
Робитаҳои иқтисодиву тиҷоратии Тоҷикистон ва Озарбойҷон тавсеа меёбанд
Дар Душанбе лоиҳаи «Маблағгузории соҳибкории занон» баррасӣ гардид
