«ТАРБИЯИ ВАТАНДӮСТИИ ШАҲРВАНДОН–ОМИЛИ МУТТАҲИДИИ МИЛЛАТ». Таҳти чунин унвон дар Осорхонаи миллии Тоҷикистон ҳамоиш доир гардид
ДУШАНБЕ, 01.03.2023 /АМИТ «Ховар»/. Қабули Қонуни Ҷумҳурии Тоҷикистон «Дар бораи тарбияи ватандӯстии шаҳрвандон», ки 24 декабри соли 2022 аз ҷониби Президенти мамлакат муҳтарам Эмомалӣ Раҳмон ба имзо расид, дар шароити пуртазоди ҷаҳони муосир, ки равандҳои гуногуни геополитикӣ ба манфиатҳои давлатҳои миллӣ хатар эҷод мекунанд, саривақтӣ мебошад. Ин матлаб дар ҳамоише, ки дар Осорхонаи миллӣ дар мавзӯи «Тарбияи ватандӯстии шаҳрвандон — омили муттаҳидии миллат» доир гардид, баён карда шуд.
Тавре ба АМИТ «Ховар» сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев иттилоъ дод, ҳамоиш бо ибтикори Осорхонаи миллӣ, Кумитаи кор бо ҷавонон ва варзиши назди Ҳукумати ҷумҳурӣ, Иттифоқи ҷавонони Тоҷикистон ва Федератсияи Иттифоқҳои касабаи мустақили Тоҷикистон доир карда шуд.
Иштирокдорони ҳамоиш доир ба моҳияти Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» табодули назар намуда, гуфтанд, ки ватандӯстӣ — принсипи ахлоқию сиёсӣ ва ҳисси иҷтимоӣ буда, мазмуни аслиаш меҳру муҳаббат ва садоқат ба Ватан ва омода будани инсон ба боло гузоштани манфиатҳои давлатӣ аз манфиатҳои шахсии худ мебошад. Зеро ватандӯстӣ муносибати ҳиссӣ нисбат ба Ватан буда, дар хидмат кардану муҳофизат намудани он ифода меёбад.
Таъкид гардид, ки қабули Қонуни Ҷумҳурии Тоҷикистон «Дар бораи тарбияи ватандӯстии шаҳрвандон», ки соли гузашта аз ҷониби Президенти Тоҷикистон муҳтарам Эмомалӣ Раҳмон ба имзо расид, дар тарбияи ватандӯстии шаҳрвандон нақши муассир хоҳад гузошт.
Тарбияи ватандӯстӣ омили муҳими рушди давлатдории миллӣ буда, дар натиҷаи он шаҳрвандон миллату давлат ва сарзамини аҷдодии худро дӯст дошта, фарҳангу таърихи гузаштаи худро ҳимоя намуда, баҳри рушди давлат содиқона меҳнат мекунанд.
АКС: Осорхонаи миллии Тоҷикистон
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
